Факт, які трэба будзе ўнесці ў падручнікі па гісторыі журналістыкі: падчас буйнешага ў незалежнай Беларусі крызісу рэгіянальныя медыйныя праекты дэманструюць неверагодную жывучасць і здольнасць адаптавацца нават ва ўмовах вымушанай рэлакацыі. Выданне «Брестская газета» — яскравы таму прыклад. БАЖ паразмаўляў з яго галоўным рэдактарам Віктарам Марчуком аб надзвычайнай ролі сацсетак, атрыманні інфармацыі з месцаў і перспектывах аднаўлення папяровай версіі.