Віцебская вобласць
Ізноў ператрус у Змітра Лупача. Гэтым разам у вясковай хаце
Ператрус адбыўся 8 снежня. Пра вясковую хату сілавікі распытвалі сястру журналіста. Сам Зміцер Лупач знаходзіцца па-за межамі Беларусі.
У глыбоцкай кватэры журналіста Змітра Лупача сілавікі правялі ператрус
Журналіст-фрылансер Зміцер Лупач два з паловай гады таму быў вымушаны з’ехаць з Беларусі пасля шматлікіх выпадкаў адміністрацыйнага пераследу за супрацоўніцтва з незалежнымі СМІ. Непасрэдна перад ад’ездам у ліпені 2021 года яго затрымлівалі на трое сутак у межах крымінальнай справы, распачатай за нібыта распальванне міжнацыянальнай варожасці. Такім чынам, «трохпакаёўка» на вуліцы Савецкай у Глыбокім з тае пары стаяла зачыненая — у ёй ніхто не жыў.
Выйшла на волю Таццяна Пыцько
Жонка відэааператара-фрылансера Вячаслава Лазарава Таццяна Пыцько правяла ў віцебскім СІЗА амаль паўгода. Супраць яе завялі крымінальную справу паводле ч. 1 арт. 361-4 Крымінальнага кодэкса (садзейнічанне экстрэмісцкай дзейнасці) за дапамогу мужу, якога звінавацілі ў працоўных стасунках з «Белсатам». Гэты незалежны тэлеканал прызнаны беларускімі ўладамі «экстрэмісцкім фармаваннем».
Вярхоўны суд вызваліў Таццяну Пыцько з-за кратаў, а відэааператару Вячаславу Лазараву зменшыў тэрмін пакарання
Апеляцыйныя скаргі на прысуд Віцебскага абласнога суда ў закрытым рэжыме разглядаў суддзя Вярхоўнага суда Юрый Руткоўскі. Ён перакваліфікаваў склад злачынства, паводле якога асудзілі сужэнцаў. Новы вырак ім вынесены паводле ч. 3 арт. 361-1 Крымінальнага кодэкса — удзел у экстрэмісцкім фармаванні.
Вярхоўны суд разгледзіць апеляцыйныя скаргі відэааператара Вячаслава Лазарава і Таццяны Пыцько
Разгляд у Вярхоўным судзе апеляцыйных скаргаў на прысуд зняволеннем віцебскага відэааператара Вячаслава Лазарава і яго жонкі Таццяны Пыцько прызначаны на 21 лістапада. Старшыняваць на пасяджэнні будзе суддзя Юрый Руткоўскі. Слуханне пройдзе ў закрытым рэжыме.
Рэдактар глыбоцкай раёнкі працягвае «выкрываць» намеры апазіцыі. Выглядае на паклёп
Рэдактар дзяржаўнай раённай газеты «Веснік Глыбоччыны» Андрэй Панкрат працягвае практыкавацца ў напісанні артыкулаў прапагандысцкага характару ды палохаць чытачоў — гэтым разам Украінай, вайной ды царкоўным расколам. Тлумачыць, як адрозніць сапраўдную апазіцыю ад сапраўдных экстрэмістаў.
«СМІ павінны быць праваднікамі дзяржаўнай ідэалогіі». Як чыноўнікі пастаўскіх медыйшчыкаў вучылі
На пасяджэнні Пастаўскага райвыканкама з удзелам сталічных ды абласных босаў 18 кастрычніка абмяркоўвалі рэалізацыю дзяржаўнай інфармацыйнай палітыкі і працу з маладымі спецыялістамі.
Раённая газета «Веснік Глыбоччыны» абмежавала доступ да свайго сайта з-за мяжы
Ужо трэці дзень не адкрываецца сайт «Весніка Глыбоччыны» са звычайных браўзераў у карыстальнікаў замежжа. Але яго можна адкрыць праз адмысловы VPN.
Відэааператара Вячаслава Лазарава прыгаварылі да 5,5 гадоў зняволення, Таццяну Пыцько — да 3 гадоў
Віцебскага відэааператара-фрылансера Вячаслава Лазарава асудзілі да 5 гадоў і 6 месяцаў пазбаўлення волі з адбыццём у калоніі ўзмоцненага рэжыму. Яго жонку Таццяну Пыцько — да 3 гадоў пазбаўлення волі ў калоніі агульнага рэжыму. Такі вырак сужэнцам сёння, 25 верасня, агучыў суддзя Віцебскага абласнога суда Яўген Буруноў. Судовы працэс праходзіў у закрытым рэжыме, абодвух абвінавацілі ў спрыянні экстрэмісцкай дзейнасці паводле арт. 361-4 Крымінальнага кодэкса Рэспублікі Беларусь.
Яшчэ адна дзяржаўная друкарня на Віцебшчыне падалася на ліквідацыю і распрадае маёмасць
Падалося на ліквідацыю дзяржаўнае прадпрыемства «Чашніцкая друкарня». На продаж выстаўленыя тры будынкі друкарні ў Чашніках па вуліцы Касманаўтаў, 21, зямельны ўчастак, абсталяванне і інвентар.
Віцебская тэлерадыёкампанія заснавала сваю прапагандысцкую праграму
Першы выпуск перадачы «Принцип правды» быў паказаны ў эфіры 6 верасня. Тэлегледачы ўбачылі мікс пра наступствы 2020 года, палітыку Байдэна і спонсарскую падтрымку Украіны, планы Захаду і магчымасці перамоваў паміж Расіяй і Украінай.
Рэдактар глыбоцкай раёнкі працягвае разважаць. На гэты раз пра небяспеку сяброўства з еўрапейцамі
На старонках «Весніка Глыбоччыны» і на сайце газеты з’явіўся чарговы артыкул галоўнага рэдактара Андрэя Панкрата. Гэтым разам пад аднайменным загалоўкам ён тлумачыць чытачам, чаму афрыканскія краіны пад еўрапейскім кіраўніцтвам так і засталіся самымі беднымі ў свеце.