• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Прызначаны легітымізаваць практыку знішчэння свабоды слова». Праваабаронцы — пра «Форум па кіраванню інтэрнэтам»

    Арганізатары форума Belarus IGF сцвярджаюць, што гэта «найбуйнейшая ў краіне адкрытая пляцоўка для абмеркавання ключавых аспектаў развіцця інтэрнэту», а «паўдзельнічаць у фармаванні парадку можа любы жадаючы».

    — Ніякі змястоўны дыялог паміж зацікаўленымі бакамі немагчымы ва ўмовах палітычнага крызісу і шырокамаштабных рэпрэсій, — сказана ў сумеснай заяве БАЖ, Human Constanta, Беларускі Хельсінкскі камітэт, Беларускі дом правоў чалавека імя Звозскава, «Прававая ініцыятыва», Офіс еўрапейскай экспертызы і камунікацый (OEEC) і інш.

    Праваабаронцы нагадваюць, што форум не праводзіўся з 2020 па 2023 гады па змрочных прычынах пасля фальсіфікацыі выбараў, падчас і пасля якіх доступ да інтэрнэта маштабна амбяжоўваўся. А арганізатарам мерапрыемства выступае кампанія Hoster.by, якая раней была звязана з Tut.by. Яна таксама апынулася пад рэпрэсіямі.

    — Улічваючы цяперашні палітычны клімат у Беларусі, які закрануў як яе грамадзян, так і буйны бізнес, мы не маем намеру асуджаць нацыянальных арганізатараў мерапрыемства, — падкрэсліваецца ў заяве праваабаронцаў. — Аднак мы ўздымаем пытанні да міжнародных партнёраў, якія пацвердзілі свой удзел, і заклікаем іх разгледзець больш шырокія наступствы свайго ўдзелу.

    Як нагадваецца ў дакуменце, з 2020 года рэжым узмацніў пераслед анлайн-крытыкі, што прывяло да блакавання дзясяткаў незалежных СМІ і класіфікацыі анлайн-кантэнту пэўных груп як «экстрэмісцкага» або «тэрарыстычнага». А многія медыя вымушаны былі закрыцца ці выехаць за мяжу.

    — Форум прызначаны легітымізаваць дзяржаўную практыку знішчэння свабоды слова, і ўдзел высокапастаўленых замежных партнёраў будзе спрыяць гэтай легітымацыі, па сутнасці даючы выразны знак прыняцця такой практыкі на фоне ўзмацнення рэпрэсій у Беларусі, — лічаць прадстаўнікі БАЖ і Human Constanta.

    У сумеснай заяве падкрэсліваецца, што праваабаронцы падтрымліваюць асноўныя прынцыпы форуму «быць адкрытым і празрыстым, інклюзіўным, шматбаковым і некамерцыйным», аднак на дадзены момант такі дыялог у Беларусі немагчымы.

    — Мы лічым шкоднымі спробы імітаваць форум пры падтрымцы міжнародных арганізацый і заклікаем устрымацца ад удзелу ў мерапрыемстве і тым больш не спансіраваць пышныя фуршэты для чыноўнікаў і сілавікоў, якія працягваюць знішчаць рэшткі анлайн-свабоды ў краіне, — кажуць падісанты дакумента.

    Яны заклікалі напісаць ліст, адправіць паштоўку і запатрабаваць свабоду для тых палітычных зняволеных, якія да крызісу 2020 года спрыялі развіццю форума як пляцоўкі для дыялогу: Марыне Золатавай, Людміле Чэкінай і Насце Лойка.

    Чытайце яшчэ:

    «Незалежныя медыя перажываюць крах бізнэс-мадэлі, а грамадства падвяргае сябе самацэнзуры». Асноўнае са справаздачы Freedom House

    Ці могуць улады зноў адключыць інтэрнэт у Беларусі?

    Лукашэнка: «Інтэрнэт адключаюць з-за мяжы, каб выклікаць незадаволеньне насельніцтва»

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia

    Больш матэрыялаў

    Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
    Падпісваючыся на рассылку, вы згаджаецеся з Палітыкай канфідэнцыйнасці