Былы гендырэктар агенцтва БелаПАН у СІЗА з 18 жніўня мінулага года.
У 1990-х Наважылаў працаваў разам з Паўлам Шараметам карэспандэнтам ОРТ у Беларусі, пасля быў кіраўніком карпункта расійскага «Первого канала». З 2015 года – у БелаПАН. Пасля смерці заснавальніка агенцтва Алеся Ліпая ў жніўні 2018 года Наважылаў стаў выканаўцам абавязкаў, а потым і гендырэктарам.
У студзені 2021-га Наважылаў звольніўся на ўласнае жаданне, аднак 18 жніўня да яго прыйшлі з ператрусам, затрымалі і далучылі да крымінальнай "справы БелаПАН".
Падтрымаць Дзмітрыя за кратамі можна лістамі, тэлеграмамі і пераводамі: СІЗА № 1, 220030, Мінск, вул. Валадарскага, д. 2.