Тэлерадыёкампанія «Ранак» у Светлагорску фактычна разгромленая

Пасля затрыманняў, арыштаў і штрафаў перастала працаваць прыватная рэгіянальная тэлерадыёкампанія «Ранак» у Светлагорску. Услед за арыштамі супрацоўнікаў Міністэрства інфармацыі заблакавала доступ да сайта медыя, а 4 ліпеня суд Чыгуначнага раёна Гомеля сваім рашэннем прызнаў сайт і сацсеткі тэлеканала «экстрэмісцкімі матэрыяламі».