20 траўня за кратамі свой 31‑ы дзень нараджэння адзначыць палітвязень Ігар Лосік. Беларускія ўлады ў аднаасобным парадку вырашылі, што гэта мусіць адбывацца 15 разоў запар — менавіта такі тэрмін прысудзілі фрылансеру «Радыё Свабода» за прафесійную дзейнасць. Не зможа павіншаваць імянінніка і жонка Дар’я: самаахвярная адданасць мужу каштавала ёй двух гадоў зняволення.