Афіцыйны саюз журналістаў адмовіўся абмяркоўваць з БАЖам змены ў закон аб СМІ

“Абмеркаванне законапраекта прайшло ў многіх пярвічных арганізацыях БСЖ, у сакратарыятах абласных арганізацый БСЖ, праведзены “круглыя сталы” ў шэрагу рэдакцый СМІ. Абагульненыя прапановы ад імя БСЖ прагучалі на пасяджэнні камісіі па правах чалавека, нацыянальных адносінах і СМІ.

Сыходзячы з гэтага Сакратарыят БСЖ не бачыць неабходнасці ў правядзенні яшчэ аднаго абмеркавання”, — гаворыцца ў адказе намесніка старшыні Беларускага саюза журналістаў Сяргея Сверкунова.

25 траўня Беларуская асацыяцыя журналістаў накіравала ў БСЖ ліст з прапановай правесці сумеснае абмеркаванне важнага для медыясектару дакумента, на якое запрасіць таксама прадстаўнікоў дзяржаўных органаў і журналісцкую супольнасць.

— Вынікам абмеркавання магло б стаць узгадненне пазіцый журналісцкіх арганізацый і нават падрыхтоўка сумесных прапаноў па законапраекце, — гаварылася ў звароце незалежнага журналісцкага аб’яднання.

Нагадаем, што на мінулым тыдні Палата прадстаўнікоў Нацыянальнага сходу прыняла папраўкі ў закон аб СМІ ў другім чытанні. Амаль усе праблемныя нормы, на якія звярталі ўвагу прадстаўнікі медыясупольнасці, у дакуменце захаваліся.

У законапраекце застаюцца абавязкі рэдакцый адсочваць змест каментароў, абавязковая ідэнтыфікацыя каментатараў у інтэрнэце і пазасудовыя магчымасці Міністэрства інфармацыі блакаваць інтэрнэт-рэсурсы. Ствараецца магчымасць для рэгістрацыі інтэрнэт-СМІ, але парадак рэгістрацыі застаецца такім жа складаным, як для традыцыйных выданняў.

Замечания и предложения БАЖ по поводу поправок в закон о СМИ

Мінінфарм не паведамляе, якія заўвагі наконт паправак у закон аб СМІ будуць прынятыя ВЫНІКІ СУСТРЭЧЫ

БАЖ накіраваў кожнаму дэпутату парламента свае заўвагі і прапановы адносна закона аб СМІ

Поправки в Закон о СМИ: регистрация интернет-изданий, идентификация комментаторов, блокировка соцсетей

Проблемы СМИ в Беларуси: что, где, куда

Прадстаўнік АБСЕ па свабодзе СМІ занепакоены ўнясеннем змяненняў у беларускае заканадаўства аб сродках масавай інфармацыі

Фота Kvadmetry.ru