IFEX патрабуе ад урада Венесэулы неадкладна вызваліць Эдуарда Торэса

БАЖ далучыўся да адкрытага ліста міжнародных арганізацый з патрабаваннем вызваліць венесуэльскага праваабаронцу.

Eduar­do Tor­res, abo­ga­do de Provea

Эдуарда Торэс (Eduar­do Tor­res), адвакат, настаўнік, прафсаюзны дзяяч, праваабаронца Венесуэльскай праграмы па адукацыі ў галіне правоў чалавека (PROVEA), знік 9 траўня 2025 года. Цягам наступных васьмі дзён пра ягонае месцазнаходжанне не было ніякай інфармацыі.

Афіцыйныя асобы прызналі факт затрымання праваабаронцы толькі 13 траўня, але пры гэтым не далі ніякіх доказаў, калі, дзе і пры якіх абставінах ён быў затрыманы і дзе ўтрымліваецца. Пракуратура, якая магла кантраляваць ход расследавання, таксама захоўвала маўчанне. Пра сутнасць абвінавачанняў, прад’яўленых Эдуарду Торэсу, нічога не вядома. Сям’я і адвакаты праваабаронцы падалі апеляцыю habeas cor­pus, якая не разгледжаная дагэтуль.

Цягам месяца і сям’я, і адвакаты былі пазбаўлены магчымасці кантактаваць з Эдуардам Торэсам, адпаведна, не маглі ведаць ні пра ўмовы ягонага ўтрымання пад вартай, ні пра ягонае здароўе. У выніку дзяржаўны адвакат паведаміў пра забарону на спатканні з затрыманым, што з’яўляецца парушэннем закона.

Міжнародныя інстытуцыі, як Міжамерыканская камісія па правах чалавека, органы ААН і сотні іншых арганізацый, запатрабавалі неадкладнага вызвалення Эдуарда Торэса.

IFEX (глабальная сетка, якая складаецца больш чым 119 незалежных няўрадавых арганізацый па абароне і прасоўванні свабоды слова) ініцыявала падпісанне адкрытага ліста да кіраўніцтва Венесуэлы.

Падпісанты ліста, да якіх далучылася і Беларуская асацыяцыя журналістаў,  заклікаюць кіраўніка Венесуэлы Нікаласа Мадура і старшыню Нацыянальнай асамблеі Венесэулы Хорхе Гомеза дазволіць Эдуарду Торэсу сустракацца з сям’ёй і незалежнымі адвакатамі, а таксама прыняць усе меры па яго поўным і неадкладным вызваленні.

Яны нагадваюць, што па міжнародным заканадаўстве праваабаронцы могуць свабодна і бяспечна выконваць сваю працу, не баючыся пераследу, рэпрэсій ці турэмнага зняволення.

Ліст падпісалі:

Asso­ci­a­tion for Free­dom of Thought and Expres­sion (AFTE)
Belaru­sian Asso­ci­a­tion of Jour­nal­ists (BAJ)
Cana­di­an Jour­nal­ists for Free Expres­sion (CJFE)
Cen­tro de Archivos y Acce­so a la Infor­ma­ción Públi­ca (CAin­fo Uruguay)
Com­mit­tee to Pro­tect Jour­nal­ists (CPJ)
Dere­chos Dig­i­tales
Free­dom of Expres­sion Insti­tute (FXI)
IFoX / Ini­tia­tive for Free­dom of Expres­sion- Turkey
Open­Media
PEN Cana­da
South East Europe Media Organ­i­sa­tion (SEEMO)
The Inde­pen­dent Jour­nal­ism Cen­ter Moldo­va