Акцэнты

«Журналістыка — не прафесія, а светапогляд і лад жыцця», — не раз прыходзілася чуць ад калег. Відаць, таму сысці з журналістыкі няпроста. З цяжкасцю, але аўтар БАЖ знайшоў такіх асобаў і пагутарыў пра прычыны сыходу і жаданні або нежаданні вярнуцца ў прафесію. Мы называем суразмоўцаў так, як яны самі папрасілі.

Нечакана, а можа для кагосьці прадказальна, у колах прапагандыстаў вызначыліся прыкметы канфрантацыі. У артыкуле аглядальніка “СБ.Беларусь сегодня” Андрэя Мукавозчыка наўпрост узгадваюцца супярэчнасці паміж прыхільнікамі жорсткага курсу і іх апанентамі. Пра што сведчыць прызнанне прапагандыста? Беларуская асацыяцыя журналістаў спыталася ў палітычных аглядальнікаў Валерыя Карбалевіча і Аляксандра Фрыдмана.

Мінулай вясной тэлевядоўцы і музыканту Кацярыне Ваданосавай паставілі дыягназ «рак грудзей», а потым выдалілі пухліну. Было балюча, але самае жахлівае чакала наперадзе: хіміятэрапію яе арганізм пераносіў вельмі цяжка. Аднойчы ёй пачало здавацца, што з працоўнага камп’ютара мужа растуць слізкія грыбы. Яны ператвараліся ў паўсатлелыя чэрапы. Чэрапы ламаліся, а на іх месцы вырасталі новыя. У вялікім інтэрв'ю «Люстэрку» Ваданосава расказала, як хвароба мяняе яе саму, жыццё навокал і чаму яна, адна з самых прыгожых тэлевядоўцаў Беларусі, больш не можа глядзець на сябе ў люстэрка.

Поўнамаштабнае ўварваньне Расеі ва Ўкраіну заняло цэнтральнае месца сярод шырэйшага спэктру актыўных і замарожаных канфліктаў на эўразійскім кантынэнце. Гэтая вайна, адзначаюць аўтары справаздачы Freedom House, мела сур’ёзныя наступствы і для сувэрэнітэту Беларусі піша "Радыё Свабода". 

Сёлета спаўняеца 140 гадоў з дня нараджэння беларускага драматурга і пісьменніка Францішка Аляхновіча. Прыгадваем цікавыя факты з жыцця аднаго са стваральнікаў беларускага тэатра і пачынальніка турэмнай літаратуры.