Акцэнты

Затрыманы 21 лістапада на беларуска-польскай мяжы па падазрэнні ў кантрабандзе марыхуаны Уладзімір Чудзянцоў арыштаваны на два месяцы. У МУС сітуацыю з затрыманнем Уладзіміра Чудзянцова пакуль што не каментуюць. Тым не менш версія, што Чудзянцову наркотыкі падкінулі, набывае ўсё больш прыхільнікаў. У сацсетках распачатая акцыя за яго вызваленне. Хоць і далёка не ўсе згодныя яе падтрымаць. Ці можна рабіць высновы па справе Чудзянцова, пакуль не вядомыя ўсе падрабязнасці справы? Ці гатовы беларускія журналісты кансалідавана выступіць у абарону затрыманага? Ці варта звяртаць увагу на ідэалагічныя разыходжанні ў поглядах ці старыя крыўды ў такой сітуацыі? На гэтыя ды іншыя пытанні ў жывым эфіры Еўрарадыё адказваюць старшыня Беларускай асацыяцыі журналістаў Андрэй Бастунец і медыяэксперт Паўлюк Быкоўскі. 

У Менску з публічнай лекцыяй «Сталінскія рэпрэсіі» выступіў вядомы францускі гісторык Нікаля Вэрт (Nicolas Werth), навуковы дырэктар Інстытуту сучаснай гісторыі ў Парыжы. Ён адзін зь вядучых у сьвеце спэцыялістаў па гісторыі Савецкага Саюзу, тэмамі сталінізму і рэпрэсій займаецца больш за 40 гадоў.