Акцэнты

“Гіпнажаба” ад дзяржаўных тэлеканалаў, “пацалункі” падчас вайны на тэлеканале “Мір”, блогерскі супраціў інфармацыйнай агрэсіі — і многія іншыя пытанні абмеркавалі ўдзельнікі ток-шоу “Патрэба ў незалежным ТВ і інфармацыйная бяспека”. Сустрэчу арганізавала Гомельская філія ГА “БАЖ”.

Традыцыйная, класічная журналістыка перажывае структурныя перамены, звязаныя з прыходам у медыя новых фарматаў. Месца друкаванай прэсы заняў інтэрнэт, журналістаў адціскаюць блогеры, а самыя папулярныя з іх замяняюць чытачам традыцыйныя СМІ. На канферэнцыях пра інтэрнэт і медыя гучаць ключавыя выразы — "грамадзянская журналістыка", "блогеры як журналісты", "новыя медыя" і "user generated content". Канфлікт камунікацыйнай эпохі — блогеры і журналісты. Пра гэта на пляцоўцы HrodnaMediaRoom ГА “БАЖ” запрасіў паразважаць аднаго з вядомых палітычных блогераў Беларусі Эдуарда Пальчыса і галоўнага рэдактара гродзенскага партала Hrodna.life Аляксея Шоту.