Аўтар “Газеты Слонімскай” Вячаслаў Сухарэбскі выдаў сваю кнігу

Дастаткова ўзгадаць Сяргея Чыгрына, Аляксея Якімовіча, Івана Шэгу, Мікалая Ракевіча, Мікалая Емельянчука са Слоніма, Леанарду Юргілевіч з Дзятлава, Пятра Марціноўскага з Зэльвеншчыны, Лявона Вашко з Мастоў, чыя кнігі ёсць у рэдакцыйнай бібліятэцы. Не навіна тут і кнігі сталічных пісьменнікаў і палітыкаў, часам у адной асобе, як тыя ж, для прыкладу, Анатоль Лябедзька, ці Уладзімір Някляеў.

Але асабліва прыемна было (прынамсі аўтару гэтых радкоў) атрымаць днямі ў рэдакцыйную бібліятэку кнігу 83-гадовага Вячаслава Сухарэбскага “На прасторы і волі”, які жыве ў сваёй хаце пад бел-чырвона-белым сцягам у вёсцы Русіны Баранавіцкага раёна.

Сяргей Чыгрын: Графаманам быць не хачу, бо іх і так хапае

Дзіцячы пісьменнік Аляксей Якімовіч: “Мяне можна ўносіць у кнігу рэкордаў Гінеса”

БАЖавец Сяргей Чыгрын са Слоніма атрымаў прэмію за краязнаўчую кнігу

У дасланым разам з кнігай лісце Вячаслаў Сухарэбскі дзякуе рэдакцыю за публікацыю ў газеце яго артыкулаў, тры з якіх ён уключыў у сваю кнігу. За больш як 20 гадоў працы ў рэдакцыі газеты і яшчэ большы тэрмін стасункаў з журналістамі і пісьменнікамі, упершыню пад аўтарскім аўтографам  напісана падзяка за публікацыі ў газеце. Звычайна, усе аўтары нешта жадаюць таму, каму падпісваюць кнігу, а не дзякуюць.

Што да самога выдання, то для сталых чытачоў “Народнай Волі”, “Нашай Нівы”, “Газеты Слолнімскай” і слухачоў ды чытачоў сайта “Радыё Свабода” многія тэксты з кнігі Вячаслава Сухарэбскага “На прасторы і волі” будуць знаёмымі. А вось прадмова да кнігі сябра БАЖ Аляксея Белага з Баранавіч пад загалоўкам “Неабаякавы чалавек”, аўтарскія тэксты з раздзела “Успаміны і разважанні” ды аўтарскае заключэнне “Што з’яўляецца галоўным багаццем любой дзяржавы?” — арганічна нітуюць усе тэксты ў кнігу ды напоўніцу раскрываюць характар і асобу самога аўтара. Як і эпіграф да кнігі з верша Анатоля Сыса, які, падаецца, Вячаслаў Сухарэбскі выбраў зусім не выпадкова:

Як па зорах, па расе

Твой апошні шлях праляжа.

Памірай, а жыта сей —

Рунь пра сейбіта раскажа.