Беларускія сайты перасталі адкрывацца з‑за мяжы
18 снежня 2025
Беларуская асацыяцыя журналістаў
Доступ да беларускіх сайтаў часткова заблакаваны для карыстальнікаў з‑за мяжы. Паводле інфармацыі Reform.news, гэта адбылося на загад Аператыўнага аналітычнага цэнтра.
Фото: pixabay.com
Аператыўны аналітычны цэнтр пры прэзідэнце распарадзіўся заблакаваць доступ замежных наведвальнікаў да сайтаў, размешчаных на тэрыторыі Беларусі, на два дні, піша Reform.news. Раніцай 8 снежня з‑за мяжы часткова не адкрываліся сайты дзяржаўных устаноў і прадпрыемстваў.
Паведамляецца, што абмежаванні будуць дзейнічаць з 00.00 18 снежня да 23.59 19 снежня 2025 года. Яны распаўсюджваюцца на віртуальныя хостынгі і размешчаныя на іх сайты.
Меры нібыта выкліканы пагрозамі аб’ектам інфармацыйнай інфраструктуры і інфармацыі, якая апрацоўваецца з іх дапамогай.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
