Дубровенская «раёнка» перапісала крытычны артыкул, калі на яго звярнулі ўвагу незалежныя СМІ
Артыкул выйшаў у газеце «Дняпроўская праўда» 23 красавіка і тычыўся абмеркавання праблем школьнай адукацыі і моладзевай палітыкі падчас апошняй сесіі райсавета.
Падчас гэтага абмеркавання прагучала шмат негатыўных фактаў — пра скарачэнне колькасці школьнікаў і пра вымушанае закрыццё школ, якіх і так на Дубровеншчыне засталося ўсяго 7, пра тое, што школьнікі Дубровенскага раёна не дэманструюць значных поспехаў у вучобе, а хутчэй наадварот. Спачатку ўся гэтая фактура трапіла ў артыкул на сайце “раёнкі”, а потым яго перапісалі нанова.
”За апошнія тры гады ніхто са школьнікаў Дубровеншчыны не стаў пераможцам у рэспубліканскіх прадметных алімпіядах. І нават сярэдні бал на цэнтралізаваных іспытах у леташніх выпускнікоў — усяго толькі 59, што значна ніжэй за сярэдні бал па вобласці (63,8). Толькі каля 60% выпускнікоў Дубровенскіх школ паступаюць у вышэйшыя навучальныя ўстановы. Вывучэнне прадметаў на падвышаным узроўні арганізавана толькі ў трох школах раёна для 75 вучняў, профільнае навучанне — для 92 школьнікаў, класы прафесійнай накіраванасці наведваюць 56 школьнікаў (усяго іх 1250)”, — пісала па матэрыялах артыкула ў дубровенскай газеце “Віцебская вясна”.
Скрыншот сайта газеты «Дняпроўская праўда»
Цяпер гэты артыкул перажыў “рэінкарнацыю” і стаў выглядаць зусім па-іншаму. У яго цяперашнім варыянце няма статыстыкі, якая прымушае чытачоў задумацца, што на так з адукацыяй на Дубровеншчыне. Увесь тэкст складаецца з шаблонных фраз пра тое, што “в Дубровенском районе организована работа по реализации государственной молодежной политики, которая ориентирована на создание для молодежи необходимых условий для реализации трудового, творческого и интеллектуального потенциала“, што “целевые показатели подпрограммы «Молодежная политика» за 2021–2024 гг. выполнены”, і што “государственные социальные стандарты в отрасли образования в нашем районе выполняются”.
Каго хацелі падмануць у рэдакцыі газеты, не зразумела: пры жаданні ў інтэрнэце можна знайсці першапачатковы варыянт артыкула і параўнаць яго з апошнім. Тым болей, што падмену ўжо заўважылі пільныя чытачы.
@bajmedia
Дарья Чульцова рассказала, как депрессия «догнала» ее через год после освобождения
24.04.2025
Рэдактар глыбоцкай раёнкі заклікае чытачоў не быць «пастаўшчыкамі кантэнту» для тых, хто выехаў за мяжу
12.12.2023
Міністр інфармацыі звінаваціў «раёнкі» Віцебшчыны ў непрафесіяналізме
04.12.2023
У Мінскім абласным судзе агучаныя прысуды па справе «аналітыкаў Ціханоўскай». Дракахрусту і Любаковай — па 10 гадоў зняволення
02.07.2024
