Дзяржаўныя СМІ чарговы раз атрымаюць грошы з бюджэту

Стаў вядомы спіс беларускіх друкаваных выданняў, якія будуць фінансавацца з рэспубліканскага бюджэту ў 2026 годзе.

Ілюстрацыйнае фота: Look­By­Media

Пералік зацверджаны Пастановай Савета Міністраў РБ ад 28 лістапада 2025 года № 685. 

У спіс, як і ў мінулым годзе, трапіла 21 выданне. Гэта амаль усе тыя ж самыя газеты і часопісы, што і раней. Адзінае, замест дзіцячага беларускамоўнага часопіса «Вясёлка» дзяржаўнае фінансаванне атрымае часопіс «Роднае слова» — штомесячнае навуковае і метадычнае выданне для настаўнікаў беларускай мовы і літаратуры.

Суму падтрымкі выданняў са спісу не агучваюць. Гэтыя звесткі непублічныя ўжо некалькі гадоў. Аднак вядома, што ў праекце рэспубліканскага бюджэту на наступны год на друкаваныя СМІ і выдавецкую справу запланавана 7,4 млн рублёў.

Сколько денег тратят из бюджета на подписку: на примере Гомельской области

Вось якія СМІ будуць фінансавацца з рэспубліканскага бюджэту ў 2026 годзе:

1. Часопіс «Алеся».
2. Часопіс «Беларускі гістарычны часопіс».
3. Часопіс «Бярозка».
4. Газета «Вместе!».
5. Часопіс «Журнал специального назначения».
6. Газета «Звязда» (приложение – газета «Мясцовае самакіраванне»).
7. Газета «Знамя юности».
8. Газета «Зорька».
9. Газета «Літаратура і мастацтва».
10. Часопіс «Маладосць».
11. Часопіс «Мастацтва».
12. Часопіс «Народная асвета».
13. Газета «Народная газета».
14. Часопіс «Нёман».
15. Часопіс «Полымя».
16. Часопіс «Роднае слова».
17. Часопіс «Родная прырода».
18. Газета «Рэспубліка».
19. Газета «СБ. Беларусь сегодня».
20. Газета «Сельская газета».
21. Газета «Спортивная панорама».