Эўразьвяз заклікаў аднавіць статус СМІ для TUT.BY і вызваліць зьняволеных беларускіх журналістаў

#Belarus:Revo­ca­tion of @tutby’s sta­tus is lat­est move in bla­tant crack­down on #jour­nal­ists & free media. It must stop. https://t.co/wqWHMb03w3’s right to appeal must B ful­ly respect­ed & sta­tus should B restored. EU calls for release of all impris­oned jour­nal­ists incl K. Bary­se­vih

— Peter Stano (@ExtSpoxEU) Decem­ber 4, 2020

«Гэта павінна спыніцца. Права tut.by на апэляцыю павінна быць цалкам выканана, і статус трэба вярнуць», – напісаў ён у «Твітэры». Ён таксама заклікаў вызваліць усіх зьняволеных беларускіх журналістаў, уключаючы журналістку tut.by Кацярыну Барысевіч.

3 сьнежня эканамічны суд Менска задаволіў пазоў Міністэрства інфармацыі аб пазбаўленьні партала tut.by статусу СМІ на падставе чатырох вынесеных ведамствам папярэджаньняў.

Супрацоўніца парталу Кацярына Барысевіч была затрымана 19 лістапада ў сувязі з крымінальнай справай аб нібыта раскрыцьці мэдыцынскай таямніцы. Яна была аўтаркай артыкулу, дзе прыводзіцца сьведчаньне лекара аб адсутнасьці алькаголю ў крыві зьбітага да сьмерці Рамана Бандарэнкі, што супярэчыла заявам Лукашэнкі і іншых ўладаў. Другі фігурант – лекар-анестэзіёляг Арцём Сарокін.

Па крымінальнай справе таксама былі зьняволеныя журналісткі тэлеканалу «Белсат» Кацярына Андрэева і Дар’я Чульцова, якія вялі жывы рэпартаж з разбурэньня мэмарыялу Рамана Бандарэнкі і разгону мітынгу ягонай памяці ў двары дому, дзе ён жыў.

Беларускія праваабаронцы прызналі зьняволеных журналістаў палітвязьнямі.