Фотавыстава ў Гродне: дванаццаць фатографаў з Ізраіля
17 верасня 2018
У гродзенскім “Цэнтры гарадскога жыцця” адчынілася фотавыстава пад назвай “Выклік дахаты”. Гэта ўнікальная экспазіцыя дванаццаці майстроў з Ізраіля прыехала ў горад над Нёманам у межах вялікага фестываля “Месяц фатаграфіі ў Мінску” .
Па словах аднаго з арганізатараў выставы, вядомага беларускага фотамайстра Андрэя Лянкевіча, экспазіцыя паказвае розныя бакі фотамастацтва: ад лічбавага калажу да сапраўднага калажу, ад класічнага чорна-белага фотаздымка да выкарыстання снайперскіх прыцэлаў у фатаграфіі, да збірання аб’ектаў, як з паказанымі на адным са здымкаў на выставе шкарпэткамі.
Канцэпцыя выставы была ў тым, што дванаццаць знаёмых між сабой фотамайстроў кінулі ў капялюш свае ключы ад кватэры. Пасля кожны цягнуў з капелюша ключы іншага, ішоў да яго ў жытло і з гэтага паўставалі здымкі паказаныя на выставе.
Да паказу гэтых некалькіх дзясяткаў прац з Ізраіля, упершыню прадстаўленых у Гродне, мы паставіся з вялікай адказнасцю, кажа Андрэй Лянкевіч:
“Гэта першая выстава ў новай прасторы. Калі пачынаеш выставу, ты закладаеш узровень супрацы, закладаеш візуальную мову. Гэта была сумесная праца і з Паўлам Мажэйкам, дзе можна было “перамяшчаць сцены, нешта выносіць, прыносіць. Вось гэта, я думаю, была самая складаная рэч пры падрыхтоўцы выставы”.
Па словах Андрэя Лянкевіча, Ізраіль – гэта адна з геаграфічна далёкіх кропак, з якімі даводзілася працаваць. І гэтая выстава – добры прыклад супрацы з амбасадамі: дапамогу ў першым паказе выставы ў Мінску год таму аказвала амбасада Ізраіля, прыязджаў адзін з удзельнікаў калектыву, які распавядаў пра выставу, вадзіў экскурсію па экспазіцыі і даваў лекцыю пра тое, як ён разумее фатаграфію, як ён жыве ў фатаграфіі.
Для прадстаўніка “Цэнтра гарадскога жыцця” Сяргея Германа фотавыстава з’яўляецца даволі знакавай:
“Гэта не першы досвед супрацоўніцтва з “Месяцам фатаграфіі” і “Цэнтрам гарадскога жыцця”. Выстава гэтага праекта была ў Гродне і ў мінулым годзе. Нам дужа прыемна прымаць гэты праект. Выстава адметная тым, што яна вельмі канцэптуальная, чаго ў Гродне не хапае. Плюс выстава прысвечаная габрэйскай тэматыцы і мае свой гістарычна падтэкст, паколькі Гродна было і досыць моцна жыдоўскім горадам”.
Экспазіцыя адкрылася 11 верасня і будзе дэманстравацца ў Гродне цягам двух тыдняў.
@bajmedia
«Вясна» атрымала прэмію ААН ў галіне правоў чалавека за 2023 год
22.12.2023
З’явілася петыцыя за павялічэнне беларускай мовы на тэлебачанні
10.06.2024
Стратегии эффективного взаимодействия со СМИ в новом выпуске подкаста «Надо пробовать»
17.10.2023
ДзяржСМІ: Кватэру незалежнага журналіста адбяруць, каб «кампенсаваць урон ад санкцый»
21.05.2024
