Гарадскі суд пакінуў арышт Баразенку ў сіле. Чакаем журналіста на волі ў нядзелю а 15:10
5 красавіка 2017
Мінскі гарадскі суд пакінуў рашэнне ад арышце журналіста тэлеканала “Белсат” Аляксандра Баразенкі на 15 сутак у сіле. 27 сакавіка аператар быў пакараны арыштам за тое, што падчас акцыі у Дзень Волі нібыта нецэнзурна лаяўся.
Аднак відэазапіс з камеры Баразенкі ў момант затрымання яскрава сведчыў пра тое, што нічога падобнага журналіст не рабіў. Нягледзячы на гэта спачатку суддзя Маскоўскага суда Мінска Таццяна Мотыль, а цяпер і Мінскі гарадскі суд прызнаў аператара вінаватым. Сведкамі ў справе выступалі супрацоўнікі мінскага АМАП Міхаіл Варывончык і Арцём Міхалевіч.
Разгляд справы ў Мінскім гарадскім судзе праходзіў без прысутнасці Аляксандра Баразенкі, які адбывае пакаранне на Акрэсціна. Яго інтарэсы прадстаўляла адвакат.
З асуджэннем рашэння ў дачыненні Аляксандра Баразенкі, а таксама іншых журналістаў выступілі многія журналісцкія арганізацыі свету, а Нацыянальны саюз журналістаў Украіны нават звярнуўся з афіцыйным лістом у гэтай справе да Аляксандра Лукашэнкі.
Сябры і калегі збіраюцца сустракаць Аляксандра Баразенку пасля 15-суткавага арышту ў нядзелю а 15:10 ля Цэнтра ізаляцыі правапарушальнікаў на Акрэсціна (менавіта такі час пазначаны ў пратаколе).
ГА «Беларуская асацыяцыя журналістаў» будзе весці на сайце прамую трансляцыю сустрэчы.
Аляксандр Баразенка аб’явіў галадоўку. Напішы ліст журналісту ў турму!
Союз журналистов Украины требует от Лукашенко освобождения журналиста «Белсата»
@bajmedia
Газету «Автодайджест» прызналі «экстрэмісцкай інфармацыйнай прадукцыяй»
12.03.2024
Папаўненне ў «экстрэмісцкім спісe» Мінінфарма: група Reform.news у «Одноклассниках» і пост «Белсата» ў Telegram
04.06.2024
«Больш нашага кантэнту пра Беларусь будзе даступна шырокай аўдыторыі». Інфармагенцтва «Позірк» запусціла сайт
16.10.2023
Ці паўплывае супрацьстаянне польскіх палітыкаў вакол дзяржаўных СМІ на працу «Белсату»? Адказвае намеснік дырэктара тэлеканала
25.12.2023
