Як зрабіць утульнымі навагоднія святы на чужыне

Беларускі падзяліліся сваімі лайфхакамі, якія дапамагаюць ім аднавіць сямейныя традыцыі ці нават стварыць новыя, сучасныя рытуалы. Паслухаць пра іх можна тут.

Выява зроблена БАЖ пры дапамозе Chat­G­PT

Навагоднія святы ў міграцыі могуць стаць сапраўдным выпрабаваннем: сям’я засталася на радзіме, а сяброў у новым месцы яшчэ няма. У такіх умовах асабліва важна захаваць пазітыўны настрой і знайсці спосабы стварыць адчуванне святкавання нават у незнаёмай абстаноўцы.

Беларускі падзяліліся сваімі лайфхакамі, якія дапамагаюць ім аднавіць сямейныя традыцыі, падтрымліваць сувязь з роднымі ці нават стварыць новыя, сучасныя рытуалы. Пра тое, як зрабіць святы ў чужой краіне цёплымі і запамінальныя.

Інтэграцыя ў новай краіне можа пачынацца з новых знаёмстваў, пошуку аднадумцаў або людзей з падобным досведам. Пра гэта шчыра распавяла Ксенія, якая некалькі разоў праходзіла праз вымушаную міграцыю.

Па яе словах, сяброў можна шукаць праз прыкладанні для знаёмстваў, хэштэгі ў сацыяльных сетках, а таксама ў тэматычных супольнасцях на Face­book, што дазваляе хутчэй адчуць сябе часткай новай супольнасці.

Святы — гэта час для аднаўлення: магчымасць прыгатаваць страву, на якую звычайна бракуе часу, або выйсці на доўгі шпацыр са сваім хатнім гадаванцам.

Падчас святаў можна не толькі сустракацца з сям’ёй, гатаваць вялікі стол з разнастайнымі стравамі і чакаць у госці блізкіх, якіх увесь год было так цяжка сабраць разам, а таксама прыдзяліць час сабе, свайму ментальнаму здароўю, а таксама прыватнай прасторы. Пра гэта з намі падзялілася фатографка і графічная дызайнерка Яна.

«У дзяцінстве мы святкавалі Каляды вялікай сям’ёй, а цяпер мусім арганізоўваць іх толькі для двух чалавек», — распавяла псіхалагіня Святлана.

Яна падзялілася, якія падыходы выкарыстоўвае для сябе, каб аднавіць сямейныя традыцыі, пры гэтым уносячы ў свята нешта новае і сучаснае, што робіць яго асаблівым нават у невялікім коле.

Псіхалагіня Святлана нагадвае пра Каляды як пра рэлігійнае свята, пра сямейныя традыцыі і маленькія рытуалы, а таксама падкрэслівае, як важна захоўваць іх на чужбіне.

Для стварэння навагодняга настрою таксама варта візуальна ўпрыгожыць кватэру, апрануць прыгожую вопратку і зрабіць макіяж. Такія рытуалы дапамагаюць стварыць святочную атмасферу і радаваць вока, раіць псіхалагіня Святлана.

І яшчэ трэцяя парада ад псіхалагіні Святланы: Каб свята адчувалася не толькі дома, але і навокал, мае сэнс парадаваць маленькімі падарункамі сваіх суседзяў або нават прадаўца ў краме, куды заходзіш пасля працы, дзеліцца з намі спадарыня Святлана.

Вы маеце магутную зброю ў сваіх руках, таму святы павінны атрымацца такімі, як вы сабе толькі пажадаеце.