«Экстрэмісцкі» спіс Мінінфарма: акаўнты REFORM.news у «ВКонтакте» і «Рэальная Беларусь» у TikTok

14 ліпеня Міністэрства інфармацыі Беларусі  ў чарговы раз папоўніла Рэспубліканскі спіс экстрэмісцкіх матэрыялаў.

Фота: Mateusz Dach / pexels.com

8 ліпеня 2025 года суд Добрушскага раёна Гомельской вобласці прызнаў «экстрэмісцкай інфармацыйнай прадукцыяй» акаўнт  REFORM.news у сацыяльнай сетцы «ВКонтакте» (ідэнтыфікатары vk.com/public181495095 і https://vk.com/reform_by).

Шэраг старонак гэтага выдання ў іншых сацсетках і месенджарах (Telegram, Insta­gram, Х, Tik­Tok, Face­book, YouTube) былі абвешчаныя беларускімі ўладамі «экстрэмісцкімі» яшчэ раней. 26 жніўня 2024 года паводле рашэння суда Ленінскага раёна Брэста быў прызнаны «экстрэмісцкім» сайт REFORM.NEWS (ідэнтыфікатар reformby.org).

9 ліпеня 2025 года суд Партызанскага раёна Мінска прызнаў «экстрэмісцкім» змест акаўнта Real­na­ja Bielarus у сацсетцы Tik­Tok (ідэнтыфікатар tiktok.com/@realna_belarus). Старонка, у апісанні якой гаворыцца, што яна транслюе «рэальныя навіны з Беларусі і не толькі», мае амаль 11 тысяч падпісчыкаў.