«Экстрэмісцкі» спіс Мініфарама: старонкі Radio Plato і YouTube-канал «Белсата»

26 лістапада 2025 года Міністэрства інфармацыі Беларусі чарговы раз папоўніла Рэспубліканскі спіс экстрэмісцкіх матэрыялаў на сваім сайце.

Radio Pla­to. Скрыншот

Паводле рашэння суда Партызанскага раёна Мінска ад 19 лістапада 2025 года ў спіс «экстрэмісцкіх матэрыялаў» унеслі сайт Radio Pla­to (ідэнтыфіктар www.radioplato.by), Telegram-канала з назвай Radio Pla­to (ідэнтыфіктар t.me/radioplato), старонкі ў сацсетках Insta­gram (ідэнтыфікатар instagram.com/radio_plato?igsh=amd1MW51OGRwdzhp) і «ВКонтакте» (ідэнтыфіктар vk.com/radioplato ).

Radio Pla­to — гэта незалежнае інтэрнэт-радыё, якое працуе з 2018 года. «Наш вэб-сайт і радыё  — гэта месца, дзе мы распавядаем пра найлепшыя мясцовыя, музычныя і мастацкія праекты для сусветнай аўдыторыі», — гаворыцца ў апісанні праекта.

Рашэннем суда Ленінскага раёна Магілёва «экстрэмісцкай інфармацыйнай прадукцыяй» прызнаны YouTube-канал з назвай  «БЕЛСАТ NOW» (ідэнтыфікатар youtube.com/@belsat_now). Відэаканал транслюе навіны з Беларусі.