«Экстрэмісцкімі» прызналі сацсеткі блогеркі Дануты Хлусні

Міністэрства інфармацыі Беларусі 28 жніўня папоўніла Рэспубліканскі спіс экстрэмісцкіх матэрыялаў старонкамі ў сацсетках блогеркі з Гомеля Дануты Хлусні.

Скрыншот акаўнта Дануты Хлусні

Рашэннем суда Ленінскага раёна Гродна ад 25 жніўня 2025 года «экстрэмісцкай інфармацыйнай прадукцыяй» былі прызнаныя:

• Face­book-акаўнт з назвай «Данута Хлусня» (ідэнтыфікатар facebook.com/profile.php?id= 00010186805488);
• Insta­gram-акаўнт з назвай «danu­ta hlus­n­ja» (ідэнтыфікатар instagram.com/danuta_hlusnja);
• TikТok-акаўнт «danuta555» (ідэнтыфікатар tiktok.com/@danuta555);
• X‑акаўнт з назвай «Наташа Богданова» (ідэнтыфікатар  x.com/bogdanovanatash);
• старонка ў сацсетцы «Одноклассники» з назвай «Данута Хлусня» (ідэнтыфікатар ok.ru/profile/385946017343);
• старонка ў «ВКонтакте» з назвай «Наташа Богданова» (ідэнтыфікатар vk.com/id126219216);
• старонка на сайце parteon.com з назвай «danu­ta» (ідэнтыфікатар patreon.com/danuta).

«Данута Хлусня» — гэта творчы псеўданім відэаблогеркі з Гомеля Наталлі Галаўчук, былой журналісткі дзяржаўнага тэлебачання, якая сышла адтуль у 2017 годзе на знак пратэсту супраць цэнзуры ў дзяржаўных СМІ. З таго часу ў яе відэароліках — сатырычны, а часам і сур’ёзны пераказ беларускіх навін пра эканоміку, палітыку, культуру.

Блогерка вымушана пакінула Беларусь з прычын пераследу з боку сілавікоў і на сёння жыве ў Варшаве.