American Center Minsk адкрывае набор на бясплатны анлайн-курс англійскай мовы для беларускіх журналістаў (дэдлайн — 25 ліпеня)

Запрашаюць беларускіх журналістаў з узроўнямі англійскай мовы Pre-Inter­me­di­ate і Inter­me­di­ate.

Eng­lish Con­ver­sa­tion Course for Jour­nal­ists – гэта 12 тыдняў інтэрактыўных анлайн-заняткаў, арыентаваных на практыку: чытанне, абмеркаванне, інтэрв’ю, медыятрэнінг і жывая камунікацыя. Праграма ўключае працу над граматыкай, слоўнікавым запасам, а таксама знаёмства з амерыканскай культурай і падыходамі да журналістыкі. Усе тэмы адаптуюцца да патрэбаў удзельнікаў.

Калі: заняткі пачынаюцца 11–12 жніўня:

• Pre-Inter­me­di­ate: панядзелак і серада, 18:00–19:30 (па Мінску)
• Inter­me­di­ate: аўторак і чацвер, 18:00–19:30 (па Мінску)

Удзельнікі курса навучацца:

• упэўнена выкарыстоўваць англійскую ў журналісцкай працы;
• задаваць пытанні, весці інтэрв’ю і будаваць дыскусіі на англійскай;
• чытаць і аналізаваць англамоўныя матэрыялы без скажэнняў;
• пашырыць доступ да незалежных міжнародных крыніц інфармацыі;
• быць часткай сусветнай медыя-супольнасці і адпавядаць сучасным стандартам.

Выкладчыца — Сільві Хюна-Шульцэ, дасведчаны педагог з больш чым 25-гадовай практыкай у Паўночнай Амерыцы і Цэнтральнай Азіі. Магістр TESOL, былая Ful­bright Schol­ar, Сільві навучала англійскай мове журналістаў, вайскоўцаў, міжнародных студэнтаў і дзяржслужачых. Яе падыход — гэта жывое, адаптаванае навучанне, з упорам на рэальны прафесійны кантэкст.

Як патрапіць на курс

• Запоўніце анкету — яна дапаможа нам зразумець вашу матывацыю і мэты. На аснове анкеты будзе сфарміраваны спіс удзельнікаў, запрошаных да наступнага этапу.
• Анлайн-тэст (EF SET) – для вызначэння вашага ўзроўню англійскай.
• Індывідуальная Zoom-сустрэча з выкладчыцай — гэта дапаможа дакладней зразумець вашыя патрэбы і чаканні ад курсу.

Анлайн-тэст і Zoom-сустрэчы пройдуць у тыдзень з 28 ліпеня па 4 жніўня. Усе падрабязнасці адабраныя ўдзельнікі атрымаюць па пошце.

Дэдлайн падачы заявак — 25 ліпеня 2025 года.

Колькасць месцаў абмежаваная. Адбор будзе праводзіцца на конкурснай аснове: матывацыя і прафесійная цікавасць — ключавыя крытэры.

ПАДАЦЬ ЗАЯЎКУ