БАЖ запрашае на прэзентацыю Канцэпцыі рэформ медыясектара Беларусі (Вільня, 16 студзеня)

Эксперты Беларускай асацыяцыі журналістаў распрацавалі Канцэпцыю рэформ медыясетара Беларусі на выпадак адкрыцця акна магчымасцяў для пераменаў.

Фота: Diva Plavala­gu­na для Pexels.com

Плануецца, што рэфармаванне медыясектара будзе ўключаць такія напрамкі працы, як:

• Рэфармаванне сістэмы медыярэгулявання прадугледжвае скасаванне Міністэрства інфармацыі Рэспублікі Беларусь, распрацоўку і ўкараненне механізмаў самарэгулявання для ўдзельнікаў медыярынку, замену абавязковай дазвольнай працэдуры рэгістрацыі сродкаў масавай інфармацыі на добраахвотную апавяшчальную сістэму, а таксама спрашчэнне працэсу акрэдытацыі замежных СМІ.
• Рэарганізацыя дзяржаўных СМІ прадугледжвае ўвядзенне заканадаўчай забароны для дзяржаўных органаў на заснаванне і валоданне сродкамі масавай інфармацыі, празрыстыя працэдуры ліквідацыі, прыватызацыі і продажу дзейных дзяржаўных СМІ, стварэнне інстытута грамадскага вяшчальніка і распрацоўку адпаведнай нарматыўна-прававой базы для яго дзейнасці.
• Аптымізацыя фінансавай падтрымкі СМІ з боку дзяржавы прадугледжвае ўвядзенне адкрытай і недыскрымінацыйнай сістэмы дзяржаўнай грантавай падтрымкі для СМІ, распрацоўку сістэмы падатковых стымулаў і льгот, накіраваных на падтрымку развіцця медыярынку і ўстойлівасці медыя.
• Удасканаленне заканадаўчага рэгулявання ў сферы свабоды выказвання накіравана на адмену (альбо, у пэўных выпадках, рэфармаванне) рэпрэсіўнага заканадаўства ў сферы крымінальнага і адміністрацыйнага права, якое ставіць пад пагрозу свабоднае выказванне меркаванняў і свабоду медыя, у тым ліку праз комплексную рэформу палітыка-прававога падыходу да супрацьдзеяння экстрэмізму.

Беларуская асацыяцыя журналістаў запрашае калег на прэзентацыю і абмеркаванне Канцэпцыі.

Калі: 16 студзеня 2026 года, 11:00

Дзе: Вільня, Žur­nal­istų namai (Jogai­los g. 11, 3 паверх)

Для ўдзелу неабходна ЗАРЭГІСТРАВАЦЦА 

БАЖ прызнаны ўладамі Беларусі «экстрэмісцкім фармаваннем». Для тых, хто пажадае быць непублічным, мы прадугледзім адмысловыя бэйджы.