Фінансаванне журналісцкіх праектаў ад Journalists for Human Rights (дэдлайн — 31 студзеня)

Арганізацыя Jour­nal­ists for Human Rights (JHR) — вядучая канадская структура ў галіне развіцця медыя — аб’яўляе прыём заявак на фінансавую падтрымку для незалежных журналістаў, медыяплатформаў і арганізацый грамадзянскай супольнасці, якія ствараюць кантэнт для беларуска- і рускамоўнай аўдыторыі.

Праграма падтрымлівае кантэнт наступных напрамкаў:

• расследавальныя матэрыялы (карупцыя, рэпрэсіі, лічбавыя пагрозы, санкцыі і інш.),
• правы чалавека, у тым ліку ЛГБТК+ і правы жанчын,
• асвятленне вайны супраць Украіны і супрацьдзеянне прапагандзе.

Фарматы: тэкставыя матэрыялы, падкасты, відэа. Гэта могуць быць як адзінкавыя матэрыялы, так і серыі.

Памер фінансавання: да 10 000 еўра. Прымаецца адна заяўка ад адной асобы ці арганізацыі ў кожным цыкле.

Пададзены пітч павінен утрымліваць:

• інфармацыю пра заяўніка і прыклады папярэдніх работ,
• працоўную назву, агляд праекта і яго значнасць,
• апісанне мэтавай аўдыторыі,
• наяўныя або запланаваныя калабарацыі з НДА,
• бюджэт і графік выканання,
• дадатковыя элементы ў залежнасці ад тыпу кантэнту (план расследавання, апісанне герояў, структура падкаста, відэа і г.д.).

Прыярытэт надаецца арыгінальным, этычным і значным для аўдыторыі гісторыям.

БОЛЬШ ІНФАРМАЦЫІ ТУТ

Дэдлайн — 31 студзеня 2026 года.

Каб падаць заяўку, запоўніце ФОРМУ

Пытанні можна дасылаць на пошту jhreurope@proton.me