Форум-тэатр «Адчуй» прапануе паўдзельнічаць у Газетным тэатры (18 жніўня, анлайн-фармат)
15 жніўня 2023
Удзел у фармаце не патрабуе тэатральнага досведу. Падключыцца да мерапрыемства можна ў ZOOM а 18-й па мінскім часе.
Мерапрыемства адбываецца ў супрацоўніцтве з арганізацыяй «ІншыЯ» да Міжнароднага дня моладзі.
Форум-тэатр «Адчуй» прапануе паўдзельнічаць анлайн у Газетным тэатры, дзе словы са штодзённых навін становіцца дзеяннем. Падчас мерапрыемства з дапамогай спецыяльных тэхнік паказваюцца і абмяркоўваюцца розныя бакі навін, якія абіраюць самі ўдзельнікі і ўдзельніцы. Гэта дапамагае асэнсоўваць сацыяльную рэчаіснасць, рэфлексаваць над тым, што адбываецца навокал, і залучацца ў праблемы грамадства.
— Падчас мерапрыемства вы зможаце абыграць на віртуальнай сцэне хвалюючыя навіны і разам іх абмеркаваць. Прапануем звяртаць увагу не толькі на змест! На нашае ўспрыманне навін значна ўплывае і тое, як яны напісаны, якія выкарыстоўваюцца словы і эмацыйныя афарбоўкі, — тлумачаць арганізатары.
РЭГІСТРАЦЫЯ
Арганізатары просяць удзельнікаў загадзя падрыхтаваць 1–2 навіны, якія выклікаюць у іх эмоцыі.
Працоўныя мовы: беларуская, расійская
@bajmedia
Збор для маці Кацярыны Ваданосавай сабраны
29.12.2025
«Людзі за некалькі месяцаў губляюць 40 кг». Ігар Лосік распавёў пра харчаванне ў СІЗА КДБ
16.01.2026
БАЖаўцы на фестывалі VOICES у Заграбе раскажуць пра калег у турмах і незалежныя беларускія медыя
25.02.2025
Сцяпан Пуціла расказаў пра бюджэт Nexta і свой заробак
29.09.2025
