Гранты на трансгранічныя журналісцкія расследаванні ў Еўропе (наступны дэдлайн — 19 сакавіка)
18 лютага 2026
Journalismfund.eu аб’яўляе чарговы прыём заявак на гранты ў сферы трансгранічных журналісцкіх расследаванняў для каманд, у якія ўваходзяць прафесійныя журналісты як мінімум з дзвюх розных краін Еўропы.
Гэтая праграма еўрапейскіх трансгранічных грантаў працуе з 2009 года. Яна падтрымлівае трансгранічныя каманды прафесійных журналістаў і/або інфармацыйных выданняў, якія маюць добрыя ідэі для трансгранічных расследаванняў і даследаванняў па еўрапейскіх тэмах. Гісторыі павінны быць актуальнымі для еўрапейскіх мэтавых груп.
Падаваць заяўкі могуць трансгранічныя каманды з як мінімум двух прафесійных журналістаў і/або незалежных навінавых агенцтваў як мінімум з дзвюх розных краін Еўропы.
Journalismfund Europe падтрымлівае выдаткі, звязаныя з журналісцкімі даследаваннямі для розных медыяфарматаў, якія немагчыма было б пакрыць без грантавай падтрымкі. У тым ліку паездкі, пераклад, доступ да платных баз даных або проста час для даследавання. Акрамя заявак на фінансаванне, каманды могуць таксама падаць заяўку на атрыманне падтрымкі ад кансультанта праекта і супрацоўніцтва з экспертам для ўзбагачэння свайго даследавання.
На дадзены раунд заявак закладзены бюджэт у 280 000 еўра.
Дэдлайн чарговага раўнду — 19 сакавіка 2026 года, 13:00 па цэнтральнаеўрапейскім часе.
@bajmedia
«Экстрэмісцкі» спіс Мініфарама: навінавая старонка «Ганцавічы» ў «ВКонтакте» і відэаролік на YouTube-канале «Котрикадзе иностранных дел»
03.12.2025
Аляксандр Кабанаў патлумачыў, чаму больш не камунікуе з былым калегай Сяргеем Пятрухіным
01.04.2025
Рыгор Астапеня пакідае ютуб-праект «Гадзіннічак цікае»
02.06.2025
Статуэтка анёла ў падтрымку Hrodna.life знайшла гаспадара
12.06.2025
