IFAE распачынае МедыяСнежань-2025 (першы занятак — 3 снежня)

IFAE  запрашае на новы цыкл анлайн-заняткаў па розных аспектах журналістыкі і медыякампетэнцый. Першы занятак «Дзе шукаць тэмы журналісту?» адбудзецца 3 снежня.

Заняткі разлічаныя як на пачаткоўцаў, так і на тых, хто ўжо ў прафесіі і хоча ўдасканальваць свае кампетэнцыі. Усе вядоўцы – практыкуючыя рэдактары і рэдактаркі, эксперты і эксперткі з вялізным досведам працы.

Тэмы заняткаў будуць звязаныя з пошукам цікавых тэмаў, правядзеннем інтэрв’ю, здымкай і мантажом відэа, стварэннем свайго брэнда ў сацсетках, выкарыстаннем штучнага інтэлекта.

На першы занятак, які адбудзецца 3 снежня, можна рэгістравацца прама зараз.

Тэма: Дзе шукаць тэмы журналісту?

Калі: 3 снежня 2025 года, 18.00 (па Варшаве), 19.00 (па Вільні), 20.00 (па Мінску).

Дзе: Z00m

РЭГІСТРАЦЫЯ 

Што будзе на занятку?

• Патрэніруемся вылучаць з бягучай інфармацыйнай павесткі тэмы для матэрыялаў розных жанраў.
• Навучымся шукаць «эксклюзіўныя» тэмы ў агульнадаступнай статыстыцы.
• Ацэнім рызыкі пры пошуку тэм у чатах і сацсетках і зразумеем, як гэтыя рызыкі можна зменшыць.
• Даведаемся, што такое кліч і як прымусіць яго працаваць. Разбяром удалыя і няўдалыя клічы.
• Падумаем, як працаваць з «уваходнымі» тэмамі.
• Адкажам на пытанне: ці этычна (і калі) ператвараць у тэму ўласны досвед?

Хто праводзіць:

Рэдактарка выдання MOST, экспертка са шматгадовым досведам журналісцкай і рэдактарскай працы.

МедыяСнежань-2025 з’яўляецца часткай праграмы Школа журналістыкі IFAE.