Практычны курс «Камунікацыйныя стратэгіі для НДА і валанцёрскіх ініцыятыў» (дэдлайн – 9 сакавіка)

У красавіку 2025 года ініцыятывы “Іншыя” і “Razam” запускаюць міні-курс па камунікацыйнай стратэгіі з афлайн-трэнінгам у Вільні і наступнай ментарскай анлайн-падтрымкай.

Асновай курса з’яўляецца досвед і навыкі працы з камунікацыйнымі стратэгіямі ў камерцыйным сектары. 

Чаму навучацца ўдзельнікі:

• аналізаваць дзейнасць і канкрэтныя праекты ў цяперашнім камунікацыйным кантэксце;
• вызначаць ключавыя аўдыторыі для іх;
• правільна ставіць камунікацыйныя задачы, зыходзячы з мэтаў арганізацыі або ініцыятывы;
• фармуляваць асноўныя паведамленні для розных аўдыторый;
• ператвараць стратэгічнае бачанне ў канкрэтныя брыфы для наступнай рэалізацыі.

Атрыманне гэтых навыкаў і стратэгічнага мыслення дапаможа дакладней даносіць карысць, сэнсы і перавагі арганізацыі, каб гэта было зразумела і бачна аўдыторыям, медыя і партнёрам.

Для каго гэты трэнінг?

• вы займаецеся медыйным накірункам у вашай арганізацыі, развіваеце сацыяльныя сеткі або YouTube-канал;
• кіруеце праектамі і хочаце навучыцца прасоўваць іх у публічнай прасторы;
• жадаеце, каб ваш стратэгічны план улічваў каналы і спосабы прасоўвання;
• бачыце, што многія вакол гавораць пра камунікацыйную стратэгію і хочаце даведацца, што гэта такое і як яна можа дапамагчы вашай дзейнасці.

Арганізатары вітаюць удзел двух чалавек ад арганізацыі або ініцыятывы. Галоўным крытэрам адбору з’яўляецца наяўнасць канкрэтных задач і праектаў, для якіх вы хацелі б распрацаваць камунікацыйную стратэгію.

Дата і час афлайн-трэнінгу:

• 10 красавіка — з 10:00 да 16:00;
• 11 красавіка — з 10:00 да 16:00.

Месца правядзення: цэнтр Вільні (дакладнае месца будзе паведамлена адабраным удзельні_цам).

Ментарская падтрымка: анлайн з траўня па чэрвень.

РЭГІСТРАЦЫЯ адкрыта да 9 сакавіка 2025 года ўключна.