Конкурс для фатографаў SPOTLIGHTING – Turning the Lens on Journalism (дэдлайн — 14 лютага)

Еўрапейская журналісцкая сетка n‑ost аб’явіла адкрыты конкурс фатаграфіі SPOTLIGHTING – Turn­ing the Lens on Jour­nal­ism, які мае на мэце паказаць нябачаную працу журналістаў за кадрам.

Мая Санду, нядаўна абраная прэм’ер-міністр Рэспублікі Малдова, размаўляе з прэсай пасля першай сустрэчы з міністрамі ў будынку парламента, пакуль сыходзячы ўрад адмаўляецца перадаць дзяржаўныя пасады. Рэспубліка Малдова. 2019. Фота: Рамін Мазур

Міжнародны конкурс SPOTLIGHTING – Turn­ing the Lens on Jour­nal­ism адкрыты для прафесійных фатографаў і пачаткоўцаў, фотажурналістаў і візуальных апавядальнікаў. Таксама вітаюцца працы ад фатографаў, прадзюсараў і рэпарцёраў, якія дакументуюць сваё ўласнае працоўнае асяроддзе.

Конкурс накіраваны на тое, каб выявіць і асвятліць працу людзей, якія ствараюць навіны — рэпарцёраў, рэдактараў, фіксераў, перакладчыкаў, прадзюсараў і іншых, чыя праца часта застаецца за кадрам. Праект мае на мэце ўмацаваць сувязь паміж журналістыкай і грамадствам і падкрэсліць значнасць незалежнай журналістыкі.

Выбраныя працы будуць прадстаўлены на фота­выставе ў Берліне, а таксама выкарыстаны ў межах шырокай камунікацыйнай кампаніі на лічбавых і гарадскіх пляцоўках — у тым ліку ў метро і ў інтэрнэце.

Умовы ўдзелу:

• Да 10 індывідуальных здымкаў або цэласнае фотаэсэ.
• Кароткі тэкст (да 1000 сімвалаў), які апісвае гісторыю, што стаіць за выявамі.
• Забаронена выкарыстоўваць AI-выявы ці моцную лічбавую апрацоўку.

На здымках павінна быць адлюстравана праца журналістаў і працэс стварэння навін — ад ранку да позняй ночы, у розных умовах і кантэкстах. Важна паказаць рызыкі і складанасці прафесіі, этычныя дылемы ці непрывабныя, але важныя паўсядзённыя моманты, якія рэдка трапляюць у поле зроку грамадскасці. 

Дэдлайн падачы заяваек — 14 лютага 2026 года.

ПАДРАБЯЗНАСЦІ І РЭГІСТРАЦЫЯ

Па ўсіх пытаннях можна звяртацца да арганізатараў праз e‑mail: photo@n‑ost.org