Набор у Летнюю школу MALDZIS (дэдлайн — 16 ліпеня)

Летняя школа MALDZIS аб’яўляе набор навучэнцаў ва ўзросце да 30 гадоў. З 21 ліпеня да 7 верасня 2025 года ўдзельнікам школы прапануюць 16 лекцый і практыкумаў: ад культурнай дыпламатыі да сторытэлінгу і праектнага менеджменту.

 Гэта прастора для тых, хто хоча шукаць новыя сэнсы, выходзіць за межы нацыянальнай настальгіі і наноў уяўляць, якім можа быць беларускі свет.

Увага: арганізатары не аказваюць візавую падтрымку.

Што раскажуць удзельнікам школы?

Экспертныя сесіі будуць праведзеныя Рыгорам Астапенем, Максімам Жбанковым, Воляй Чайкоўскай, Настай Роўдай, Мікітам Монічам ды іншымі.

З 21 ліпеня па 1 верасня пройдуць анлайн-заняткі, а 5–7 верасня прадугледжаная афлайн-сэсія. Падчас праектнай працы удзельнік самастойна ці з камандай распрацуе ўласную актыўнасць, якая будзе рэалізавана ў межах фестывалю MALDZIS.

Хто можа ўдзельнічаць?

Маладыя людзі да 30 гадоў, якія:

• маюць праекты ў сферах палітыкі ідэнтычнасці і медыя, культуры і мастацтва;
• навучаюцца на адпаведных напрамках;
• проста цікавяцца беларускай ідэнтычнасцю і хочуць знайсці сваё месца ў ёй.

Удзел магчымы індывідуальна або камандай да 3 чалавек.

РЭГІСТРАЦЫЯ

Дэдлайн: 23:59 (CET) 16 ліпеня 2025 года.