Музей Вольнай Беларусі шукае спецыяліст_ку па знешняй камунікацыі (дэдлайн — 27 лістапада)

Музей Вольнай Беларусі ў Варшаве запрашае да супрацоўніцтва людзей, якія жадаюць унесці свой уклад у развіццё беларускай культуры, захаванне памяці пра сучасную гісторыю і падтрымку беларускай супольнасці ў выгнанні.

Абвешчаны набор на вакансію спецыяліст_кі па знешняй камунікацыі (PR-менеджэр_ка, SMM-спецыяліст_ка).

Абавязкі:

• распрацоўка і рэалізацыя камунікацыйнай стратэгіі музея;
• вядзенне сацсетак (Face­book, Insta­gram і інш.), стварэнне кантэнту;
• падрыхтоўка прэс-рэлізаў, інфармацыйных паведамленняў, навінаў;
• суправаджэнне сайта музея і рассылкі;
• суправаджэнне YouTube-канала музея;
• арганізацыя працы з медыя, пошук і падтрымка партнёрскіх кантактаў;
• удзел у даследаваннях online і offline-аўдыторый музея з мэтай іх пашырэння;
• удзел у прасоўванні праектаў, выстаў і мерапрыемстваў музея;
• маніторынг інфармацыйнай прасторы, падрыхтоўка справаздач аб ахопах і выніках камунікацый.

Патрабаванні:

• досвед працы ў SMM, PR або медыя – мінімум 1 год;
• валоданне інструментамі стварэння кантэнту (фота, відэа, графіка);
• добрае пісьменства і стыль у беларускай мове, валоданне польскай і ангельскай мовамі;
• разуменне сучасных медыяпрактык і тэндэнцый;
• высокая самастойнасць, адказнасць, камунікабельнасць і пунктуальнасць;
• добрае разуменне культурнага і палітычнага кантэксту Беларусі.

Умовы:

• поўная занятасць;
• афіцыйнае афармленне на 10–12 месяцаў па umowa zlece­nia, якая забяспечвае базавую сацыяльную абарону і гнуткасць у працы;
• гнуткі, але збалансаваны працоўны графік, магчымасць сумяшчаць працу на месцы з дыстанцыйнай працай;
• удзел у міжнародных праектах;
• магчымасць паўплываць на развіццё беларускай культуры ў эміграцыі;
• дынамічнае творчае асяроддзе і падтрымка каманды.

Як падаць заяўку

Калі Вы пражываеце ў Варшаве і хочаце далучыцца да каманды, дашліце CV (абавязкова) і кароткі матывацыйны ліст (пажадана) на адрас: freebelarusmuseum@gmail.com. У тэме ліста пазначце: «Вакансія – Спецыяліст_ка па камунікацыі».

Дэдлайн падачы заявак – 27 лістапада 2025 года.