«Наша Ніва» шукае мантажора відэа для TikTok

Быць у кадры неабавязкова (але калі хочаце — то гэта плюс), але трэба ўмець добра шукаць і падаваць, ілюстраваць інфармацыю.

Будынак, у якім «Наша Ніва» месцілася ў 1907—1911 гадах. Фота: «Наша Ніва»

«Наша Ніва» адкрыла вакансію мантажора тыктокаў і рылзаў. Спалучаць з працай на іншыя праекты і СМІ нельга. Загрузка будзе поўная, на частку стаўкі працаваць няможна.

Калі вы самі ведзяце тыкток ці маеце досвед працы ў паспяховых Tik­Tok-каналах, працавалі з шортсамі, рылзамі — гэта плюс. Калі разумееце алгарытмы Tik­Tok, Insta­gram, YouTube — вялікі плюс. Але галоўнае — хуткадзейнасць і вялізная працаздольнасць.

Патрэбнае журналісцкае, медыйнае, крэатыўнае мысленне, а не проста тэхнічныя ўменні.

На гэты момант рэдакцыя дзеля бяспекі працуе толькі з людзьмі, якія не ў Беларусі. У якой краіне вы жывяце — няважна, работа анлайн. Праца па афіцыйнай дамове, заробак на картку. Выдатны калектыў, у якім лёгка расці і развівацца.

Дасылаць рэзюме і спасылкі на свае сацыяльныя сеткі можна на пошту nivanasha@proton.me .

Рэдакцыя таксама прапануе высылаць і прыватна ў Sig­nal і Telegram тым рэдактарам і журналістам «Нашай Нівы», якіх вы ведаеце асабіста, калі вы лічыце гэта больш бяспечным для сябе.