Праграма супрацоўніцтва з грамадзянскай супольнасцю краін Усходняга партнёрства (дэдлайн — 7 лістапада)

Нямецкі ўрад працягвае падтрымліваць дэмакратычныя грамадзянскія ініцыятывы ў Беларусі, Арменіі, Азербайджане,  Грузіі, Малдове, Украіне і Расіі праз праграму East­ern Part­ner­ship Pro­gramme.

Выява: https://t.me/terytoryja_pravou

Мэта праграмы — ўмацаваць грамадзянскую супольнасць у краінах рэгіёну, развіць транскультурнае супрацоўніцтва і падтрымаць арганізацыі, што спрыяюць дэмакратычным пераменам і правам чалавека.

Падтрымку могуць атрымаць праекты ў галіне:
— медыя, адукацыі і прафесійнай падрыхтоўкі, культуры і спорту,
— моладзевай і моўнай працы,
— правоў чалавека і дэмакратычнага развіцця.

Праграма фінансуе сумесныя праекты паміж нямецкімі арганізацыямі і партнёрамі з краін Усходняга партнёрства, якія:

• спрыяюць плюралізму і барацьбе з дэзынфармацыяй,
• падтрымліваюць дыялог аб каштоўнасцях і правах чалавека,
• узмацняюць дэмакратычныя інстытуты і магчымасці адукацыі,
• развіваюць давер і ўзаемаразуменне ў рэгіёне.

Асаблівая ўвага ў 2026 годзе будзе нададзена:
— умацаванню грамадзянскіх сетак у кантэксце еўрапейскай інтэграцыі,
— падтрымцы незалежных медыя і праваабаронцаў,
— праектам для жанчын, моладзі, людзей з інваліднасцю, LGB­TIQ-супольнасці, этнічных і рэлігійных меншасцяў.

Прыём праектных прапаноў: з 13 кастрычніка па 7 лістапада 2025 года
Праекты можна падаваць на англійскай або нямецкай мове.

ПАДАЦЬ ЗАЯЎКУ