Прэмія Free Media Awards 2026 (дэдлайн — 22 красавіка)

Журналісты, рэдакцыйныя калектывы і медыякампаніі з Арменіі, Азербайджана, Беларусі, Грузіі, Расіі, Украіны і Венгрыі, якія ўносяць уклад у свабоду прэсы праз свае расследаванні і незалежныя рэпартажы, могуць быць намінаваныя на гэтую прэмію.

Прэмію Free Media Awards у 2004 годзе заснавалі нарвежскі фонд Fritt Ord і нямецкі ZEIT-Stiftung Ebe­lin und Gerd Bucerius у падтрымку незалежнай журналістыкі ва Усходняй Еўропе. Ёю штогод узнагароджваюць журналістаў і рэдакцыі, якія мацуюць незалежную журналістыку і дапамагаюць грамадству атрымліваць інфармацыю, нягледзячы на ціск і цэнзуру.

У мінулыя гады лаўрэатамі ўзнагароды былі беларускія журналісты, у тым ліку калектыў Беларускага расследавальніцкага цэнтра, Ларыса Шчыракова, Кацярына Андрэева ​​і Дар’я Чульцова, Кацярына Барысевіч, Tut.by.

У 2026 годзе арганізатары ўручаць 5 прэс-прэмій.

Як падаць заяўку

Каб прэтэндаваць на вылучэнне, журналісты і медыя павінны прадэманстраваць прыхільнасць дэмакратыі і свабодзе выказвання.

• Заяўка павінна ўключаць тлумачэнне таго, чаму журналіст або медыя лічыцца добрым кандыдатам на ўзнагароду Free Media Awards.

• Дадайце спасылкі, якія пацвярджаюць якасць працы вылучаных кандыдатаў.

• Памер заяўкі павінен складаць ад 1 да 2 старонак, уключаючы кароткую біяграфію і спасылкі на артыкулы, калі гэта неабходна.

Дасылайце заяўкі па электроннай пошце на адрас freemediaawards@frittord.no

Калі вы аддаеце перавагу дасылаць намінацыю праз Sig­nal, дашліце ліст на адрас freemediaawards@frittord.no для атрымання далейшых інструкцый.

Заяўкі прымаюцца да 22 красавіка 2026 года.

Падрабязней пра ўмовы прэміі