Стыпендыя ад Цэнтра новых ідэй для маладых даследчыкаў і даследчыц (дэдлайн — 10 сакавіка)

Цэнтр новых ідэй абвясціў прыём заявак на Vitali Sil­it­s­ki Fel­low­ship 2026.

Гэта двухмесячная стыпендыяльная праграма для беларускіх даследчыкаў і даследчыц, якія працуюць з палітычнымі, сацыяльнымі і эканамічнымі дадзенымі пра Беларусь і гатовыя развіваць ідэі выбітнага беларускага палітолага Віталя Сіліцкага.

У межах fel­low­ship вы зможаце:

• Рэалізаваць уласны даследчы праект.
• Вучыцца ў спікераў і спікерак з Stan­ford Uni­ver­si­ty і King’s Col­lege Lon­don.
• Патрэніравацца ў публічным пітчынгу.
• Прайсці стажыроўку ў даследчай камандзе Цэнтра новых ідэй.
• Атрымаць стыпендыю да 2000 € (брута).
• Апублікаваць выніковы матэрыял на сайце ЦНІ.

Хто можа ўдзельнічаць

• Беларус ці беларуска да 35 гадоў.
• Прафесіянал ці прафесіяналка з акадэмічнай сферы, бізнесу, грамадзянскай супольнасці, медыяў.
• Жывяце ў ЕС ці ў краінах Усходняга партнёрства, маеце доступ да рынку працы і банкаўскі рахунак.
• Валодаеце англійскай мовай на ўзроўні: разумею, магу дыскутаваць.
• Не ўваходзілі ў пастаянную каманду Цэнтра новых ідэй.
• Гатовы прыняць удзел у афлайн-частцы ў Варшаве 26–29 сакавіка 2026 года (лагістычныя выдаткі пакрываюць арганізатары).
• Адкрыты да праходжання 2‑месячнай анлайн-стажыроўкі ў ЦНІ.
• Гатовы падрыхтаваць аналітычны артыкул (да 2000 слоў) для публікацыі на сайце ЦНІ да 6 чэрвеня 2026 года.

Для ўдзелу неабходна падаць:

• Кароткі пітч даследчай ідэі з апісаннем ключавых пытанняў і метадаў даследавання.
• CV на англійскай мове.
• Спіс найважнейшых публікацый.
• Матывацыйны ліст.

Дэдлайн падачы заявак — 10 сакавіка 2026 года, 23:59 (па Мінску).

ПАДРАБЯЗНАСЦІ І РЭГІСТРАЦЫЯ