Варкшоп «АІ з нуля: як ствараць тэксты, голас і карцінкі» (рэгістрацыя — да 12 лістапада)

Хочаце разабрацца, як выкарыстоўваць штучны інтэлект у сваёй працы? Беларуская асацыяцыя журналістаў запрашае на бясплатны міні-варкшоп «АІ з нуля: як ствараць тэксты, голас і карцінкі».

Вы пазнаёміцеся з простымі і карыснымі сэрвісамі, якія дапамагаюць журналістам і актывістам ствараць якасны кантэнт хутчэй і лягчэй.

Калі:

13 лістапада, чацвер, 16:00 па Варшаве, 17:00 па Вільні, 18:00 па Мінску.   

Для каго:

Будзе карысна тым, хто толькі пачынае знаёмства з нейрасеткамі.

Што вас чакае

Варкшоп скаладаецца з трох частак.

У першай пакажам:

• як з дапамогай AI хутка стварыць тэкст;
• як агучыць матэрыял, не маючы студыі;
• як зрабіць ілюстрацыю ці выяву для сторыс.

Другая частка — практыка: кожны ўдзельнік зможа самастойна папрацаваць з АІ-прыкладаннямі. А таксама стварыць уласны невялікі праект — тэкст, аўдыя ці выяву.

У фінале вядучы дапаможа ацаніць вынікі самастойнай працы і дасць рэкамендацыі, таксама падзелімся досведам, як інтэграваць AI у паўсядзённую працу. 

Вядучы: Дзяніс Васількоў, медыякансультант, даследчык новых інструментаў.

Рэгістрацыя адкрытая да 12 лістапада, 17:00 па Вільні.

РЭГІСТРАЦЫЯ

Спасылку на вэбінар зарэгістраваныя ўдзельнікі атрымаюць за дзень і за гадзіну да варшкопа.

Калі ў вас засталіся пытанні, пішыце нам: uchimonline5@gmail.com

Колькасць месцаў абмежаваная. Варкшоп праводзіцца Беларускай асацыяцыяй журналістаў пры падтрымцы ЕС і праграмы Belarus Bee­hive.