Вольны Беларускі Ўніверсітэт запрашае на анлайн-курс па геапалітыцы (дэдлайн — 30 кастрычніка)

Вольны Беларускі Ўніверсітэт працягвае восеньскі набор на адукацыйныя праграмы і запрашае ўдзельнікаў на сертыфікаваны анлайн-курс «Геапалітыка і выклікі бяспекі Цэнтральнаеўрапейскага рэгіёну».

Курс дае сістэмнае разуменне геапалітычных працэсаў у рэгіёне ва ўмовах вайны, гібрыдных пагроз, энергетычных крызісаў і зменлівых міжнародных альянсаў. Дапаможа разабрацца ў логіцы геапалітычных працэсаў і ацаніць іх уплыў на Беларусь сёння і ў будучыні.

На курсе вы даведаецеся:

• што стаіць за паняццем «гібрыдныя пагрозы» і як на іх рэагаваць;
• як працуе энергетычная, інфармацыйная і ваенная бяспека;
• якую ролю адыгрывае Цэнтральная Еўропа ў глабальных працэсах;
• як Расея выкарыстоўвае дактрыну «рускага міру»;
• якія сцэнары развіцця рэгіёну нас чакаюць.

Выкладчыкі:

• Алесь Лагвінец — палітолаг, эксперт у галіне еўрапейскай інтэграцыі.
• Аляксандр Казак — палітолаг, выкладчык Гданьскага ўніверсітэту, эксперт па пытаннях бяспекі і геапалітыкі Цэнтральнай і Ўсходняй Еўропы.

Дэдлайн падачы заяўкі: 30.10.2025 г.

Рэгістрацыя па спасылцы. 

Працягласьць курсу: 10 сэсіяў па 2 акадэмічныя гадзіны (20 акадэмічных гадзінаў).

Фармат правядзення курсу: анлайн на базе Moo­dle + ZOOM;

Падрабязней пра курсы тут.