Вышаградскія гранты на праекты 2026 (наступны дэдлайн — 1 лютага)

Міжнародны Вышаградскі фонд абвяшчае конкурс грантаў Viseg­rad+ для падтрымкі праектаў, якія спрыяюць працэсам дэмакратызацыі і трансфармацыі ў краінах Заходніх Балкан і рэгіёнах Усходняга партнёрства (Арменія, Азербайджан, Беларусь, Грузія, Малдова і Украіна).

Вышаградскі фонд прадастаўляе гранты тры разы на год у рамках трох розных грантавых праграм.

Дэдлайны 2026 года:

• 1 лютага;
• 1 чэрвеня;
• 1 кастрычніка.

Вышаградскія гранты павінны быць рэалізаваны ў рэгіёне Усходняга партнёрства або Заходніх Балкан. Арганізатары шукаюць інавацыйныя ідэі, якія вырашаюць агульныя праблемы з дапамогай высакаякасных рэгіянальных сумесных праектаў.

Максімальная працягласць рэалізацыі праекта 18 месяцаў. Гранты пакрываюць да 100% бюджэту праекту, з якіх не больш за 15% на аперацыйную дзейнасць.

Большасць грантаў Vis­grad+ Grants складаюць ад 25 000 да 35 000 еўра.

Якія праекты можна падаць на грант Visegrad+?

• праекты, якія спрыяюць актыўнаму ўдзелу грамадзян у дэмакратычных працэсах і дэмакратычным дэбатам;
• праекты, якія спрыяюць празрыстасці і барацьбе з карупцыяй шляхам падтрымкі абмену ведамі і развіцця патэнцыялу інфарматараў, журналістаў-расследавальнікаў;
• праекты, накіраваныя на павышэнне медыяпісьменнасці, умацаванне ўстойлівасці да прадузятага асвятлення падзей, дэзінфармацыі і прапаганды;
• праекты, накіраваныя на лепшае асвятленне ў СМІ актуальных тэм у рэгіёне і пашырэнне доступу да інфармацыі.

Незалежна ад таго, дзе знаходзіцца ваша арганізацыя, вы можаце падаваць заяўкі на гранты, калі ваш праект актыўна супрацоўнічае з арганізацыямі як мінімум з 3 краін Вышаградскай групы. Адначасова можа быць пададзена толькі адна заяўка на праект ад заяўніка.

Як падаць заяўку?

Падайце заяўку праз платформу My Viseg­rad.

Кансультацыі па праекце можна атрымаць па электроннай пошце, тэлефоне або па папярэдняй дамоўленасці.

Інструкцыі па падрыхтоўцы заяўкі можна знайсці ТУТ.

Больш інфармацыі — па спасылцы