Журналісцкая стыпендыя для працы на Міжнародным тыдні грамадзянскай супольнасці (дэдлайн — 14 верасня)

Журналістаў з усяго свету запрашаюць падаць заяўку для ўдзелу ў Міжнародным тыдні грамадзянскай супольнасці (ICSW).

ICSW — гэта найбуйнейшая ў свеце сустрэча грамадзянскай супольнасці, якая аб’ядноўвае тысячы актывістаў з усяго свету.

Мерапрыемства пройдзе ў Бангкоку, Тайланд, з 1 па 5 лістапада 2025 года. Арганізаванае Глабальным альянсам грамадзянскай супольнасці CIVICUS і Азіяцкай дэмакратычнай сеткай (ADN). Альянс CIVICUS складаецца з больш чым 15 000 членаў у больш чым 175 краінах.

Удзельнікаў ICSW 2025 чакае тыднёвая серыя канферэнцый, семінараў, трэнінгаў і культурных мерапрыемстваў.

Стыпендыя для журналістаў мае 2 катэгорыі:

• Стыпендыя для журналістаў адкрыта для журналістаў любога ўзросту, якія прадэманстравалі цікавасць да грамадзянскай прасторы і пытанняў правоў чалавека і маюць моцнае партфоліо работ.
• Стыпендыя для маладых журналістаў прызначана для журналістаў да 30 гадоў, у тым ліку для грамадзянскіх журналістаў і тых, хто асвятляе пытанні правоў чалавека на лічбавых медыяплатформах.

CIVICUS арганізуе праезд і пакрые выдаткі на ўдзел у ICSW у Бангкоку, дзе журналісты будуць мець магчымасць сустрэцца і ўзяць інтэрв’ю ў актывістаў грамадзянскай супольнасці з усяго свету. Ад абраных стыпендыятаў чакаецца публікацыя як мінімум двух гісторый у любым фармаце, звязаных з ICSW і грамадзянскімі свабодамі, на аснове іх рэпартажаў на працягу тыдня.

Заяўкі прымаюцца да 14 верасня 2025 года. Калі ў вас ёсць пытанні, іх можна задаць па адрасе icsw@civicus.org.

ПАДАЦЬ ЗАЯЎКУ