Крымінальную справу супраць кіраўніка «Маланка Медыя» Паўла Марыніча перадалі ў суд

Фігурантаў абвінавачваюць у перашкодзе працы Цэнтральнай выбарчай камісіі, а таксама камісій па рэферэндуме, здзейсненай з ужываннем пагрозы і іншым спосабам, групай асобаў па папярэдняй змове.

Паводле абвінавачання, Жываглод, Лібер, Марыніч і Дабравольскі разам з іншымі асобамі ў студзені-лютым 2022 года «прынялі ўдзел у распрацоўцы і рэалізацыі адзінага плана супрацьпраўных дзеянняў для зрыву рэспубліканскага рэферэндуму». План прадугледжваў адпраўку лістоў па месцы жыхарства і працы сябрам выбарчых камісій.

«В частности, в письмах содержались угрозы для запугивания, формирования сомнения в правомерности своих действий и чувстве вины за работу в составе избирательных комиссий, внушались представления о невозможности действующей власти обеспечить их безопасность. В них также высказывалось требование предоставить экстремистскому формированию «Честные люди» необходимые им сведения, делались необоснованные заявления о фальсификациях явки на референдум и результатов голосования.

…Осознавая собственную несостоятельность, отсутствие поддержки и авторитета в беларусском обществе, обвиняемые инициировали направление подобных писем от имени Генеральной прокуратуры Республики Беларусь, Следственного комитета Республики Беларусь, других государственных органов, а также должностных и иных лиц, не имевших отношения к такой противоправной деятельности», – заяўляе Генпракуратура.

Абвінавачанне сцвярджае, што сябрам камісій было накіравана не менш за 11 тысяч лістоў.

Нагадаем, следчы камітэт распачаў «спецыяльную вытворчасць» супраць Марыніча, Жываглод, Дабравольскага і Лібера ў снежні 2023 года.

Павел Марыніч — кіраўнік «Маланка Медыя», сын рэпрэсаванага былога дзяржаўнага дзеяча Міхаіла Марыніча — пакінуў Беларусь пасля пратэстнай Плошчы-2010. Ягоны праект «Маланка Медыя» быў створаны ў 2020 годзе. «Мы пачыналі як Zubr праект па грамадскім актывізме. У 2020‑м мы зрабілі платформу па назіранні за выбарамі, і гэтыя дадзеныя ўсё яшчэ адкрытыя, у адрозненні ад ярмошынскіх. Мяркую, што галоўнае, у чым я ўдзельнічаў у апошнія гады, — якраз гэты праект, тое, што Лукашэнку ва ўсім свеце больш не лічаць прэзідэнтам. Ён дыктатар, які ўтрымлівае ўладу ў краіне», — казаў Павел Марыніч у інтэрв’ю «Нашай Ніве».

15 лютага 2023 года «Маланку Медыя» МУС прызнаў «экстрэмісцкім фармаваннем». Як тады паведамлялі праўладныя тэлеграм-каналы, адпаведнае рашэнне было прынятае «за публічныя заклікі да санкцый, арганізацыю дзейнасці па падрыхтоўцы здзяйснення замахаў на суверэнітэт і грамадскую бяспеку Рэспублікі Беларусь».

Чытайце яшчэ:

Відэааператара Андрэя Толчына пачнуць судзіць 5 сакавіка. Яго вінавацяць адразу па трох крымінальных артыкулах

Нармалізацыя як умова выжывання. Што цяпер асвятляюць «перафарматаваныя» выданні

Процент от налогов — на журналистику. Независимые СМИ предлагают читателям из Польши и Литвы новый способ поддержать их