Нацбола, які арганізаваў правакацыю ў «Прэзыдэнт-гатэлі», дэпартавалі зь Беларусі
21 лютага 2017
Незарэгістраваная расейская партыя «Другая Россия» паведаміла пра высылку з тэрыторыі Беларусі нацбола Цімафея Ермакова, які быў арыштаваны на 5 дзён пасьля інцыдэнту ў «Прэзыдэнт-гатэлі» , дзе некалькі чалавек сарвалі прэс-канфэрэнцыю спэцпрадстаўніка АБСЭ Марціна Сайдзіка, скандавалі «Данбас — у склад Расеі» і раскідвалі антыўкраінскія ўлёткі.
Ермакову забаронены ўезд у Беларусь на 5 год, вынікае з паперы аб высылцы. За незаконнае перасячэньне мяжы Беларусі яму пагражае крымінальная адказнасьць.
Як сьцьвярджае «Другая Россия», па прылёце ў маскоўскае Дамадзедава Ермакова затрымалі супрацоўнікі расейскага Цэнтру Э для «прафіляктычнай антыэкстрэмісцкай размовы».
На інцыдэнт у «Прэзыдэнт-гатэлі» не было жорсткай рэакцыі беларускіх уладаў. Ні ахова, ні міліцыя іх не затрымалі ўдзельнікаў правакацыі на месцы, тыя спакойна пакінулі «Прэзыдэнт-гатэль» у Менску. «Нам дазволілі сысьці», — казала Свабодзе ўдзельніца правакацыі.
@bajmedia
ААЦ масава адбірае дамены ў выданняў, якія трапілі ў Рэспубліканскі спіс экстрэмісцкіх матэрыялаў
17.04.2024
Магілёўскі блогер і журналіст Аляксей Бацюкоў, імаверна, затрыманы
18.12.2023
Amnesty International заклікала вызваліць Алеся Бяляцкага на фоне паведамленняў аб пагаршэнні ягонага здароўя
12.07.2024
«Ён мяне раздражняў — на чырвоным фоне белыя літары». Кіраўнік «Народнай газеты» расказаў, як змяніў лагатып
06.05.2024
