Навіны

Сеть Х подозревают в нарушении обязательств по противодействию незаконному контенту и дезинформации, по обеспечению прозрачности и вводящящем в заблуждение дизайне пользовательского интерфейса.

Паводле сяброў Аляксея Бацюкова, пасля ператрусу ў яго жыллі і допыту ў КДБ 5 снежня ён не вярнуўся дахаты. Дзе ён зараз — невядома.  

Перадача з назвай «Мордой в пол» выйшла ўвечары 15 снежня ў палітычна-прапагандысцкай праграме «Всё по делу». У відэашэрагу выкарыстаныя міліцэйскае відэазапісы, знятыя падчас затрымання былога дырэктара Музея гісторыі Магілёва, блогера Аляксея Бацюкова, а таксама фрагменты «пакаяльных» відэазапісаў з удзелам былых журналістаў і грамадскіх актывістаў Барыса Вырвіча, Аляксандра Агеева і Ігара Шарухі. Усе яны былі затрыманы 5 і 6 снежня — праз дзень як стала вядома, што КДБ абвясціў «экстрэмісцкімі фармаваннямі» мясцовыя інфармацыйныя рэсурсы «Магілёў. Меdia» і 6TV Bielarus.

У Швецыі, у якой свабода выказвання меркаванняў лічыцца адной з галоўных каштоўнасцяў і стаўпом дэмакратыі, апошнія гады з трывогай назіраюць за сітуацыяй са СМІ ў Беларусі. Цяпер мясцовая асацыяцыя журналістаў вырашыла падтрымаць беларускіх калегаў у зняволенні, даслаўшы ім калядныя паштоўкі.

На волю выйшаў палітзняволены журналіст Генадзь Мажэйка. Гэта вынікае з інфармацыі, размешчанай на сайце праваабарончага цэнтру «Вясна».

Магілёўскі журналіст Сяргей Антонаў тэрмінова выехаў з Беларусі. Аб гэтым стала вядома 15 снежня 2023 года. Такое рашэнне Антонаў быў вымушаны прыняць пасля ператрусу ў ягоным жыллі і допыту супрацоўнікамі Камітэта дзяржбяспекі. Паводле яго слоў, сілавікі вымагалі прызнанняў у супрацоўніцтве з парталам «Магілёў. Меdia», прызнаным 29 лістапада «экстрэмісцкім фармаваннем».

Хрысціянскаму «Радыё Марыя» ў Беларусі не хапае грошай на зарплату для супрацоўнікаў. Каардынатарка Яўгенія Найдовіч расказала ў Facebook аб тым, з яімі праблемамі сутыкнулася каталіцкае медыя і як можна дапамагчы.

Беларускія ўлады працягваюць выкарыстоўваць заканадаўства аб супрацьдзеянні экстрэмізму для перашкоды дзейнасці незалежных медыя, адзначыў 13 снежня падчас пасяджэння дэлегацыі Еўрапарламента па сувязях з Беларуссю старшыня БАЖ Андрэй Бастунец, які выступаў па анлайн-сувязі.

Міністэрства ўнутраных спраў 14 снежня афіцыйна абвясціла пра ўзбуджанне крымінальнай справы «за стварэнне экстрэмісцкага фармавання» і затрыманне дзвюх жыхарак Светлагорска, 41 і 39 гадоў. Яшчэ адзін фігурант справы — 53-гадовы мужчына — паспеў з'ехаць за мяжу, гаворыцца ў паведамленні Telegram-канала МУС Беларусі.