Навіны

Сёння да Аксаны Колб прыйшлі сілавікі і звезлі яе на допыт. Каля 15 гадзін Аксана Колб патэлефанавала блізкім і паведаміла, што яе змяшчаюць у ІЧУ да 10 сутак. З якой нагоды і па якой справе — невядома.

У лютым 2022 года Міністэрства інфармацыі Беларусі абмежавала доступ да сайта gs.by за ранейшыя публікацыі матэрыялаў з іншых крыніц, якія пазней былі прызнаны экстрэмісцкімі.

Журналістка Дар’я Чульцова, асуджаная да двух гадоў зняволення, адбывае пакаранне ў жаночай калоніі №4 у Гомелі. У мінулыя выхадныя ёй дазволілі спатканне з маці.

У судзе Савецкага раёна Мінска 10 студзеня да пяці гадоў калоніі за перавышэнне службовых паўнамоцтваў (ч. 2 арт. 426 Крымінальнага кодэкса) асудзілі нядаўняга намесніка генеральнага дырэктара «БелТА» па ідэалагічнай працы Сяргея Адзярыху. Роўна два гады таму ў гэты дзень былога чыноўніка асабіста ўзнагароджваў Лукашэнка за «высокі прафесіяналізм і значны асабісты ўнёсак у развіццё дзяржаўнай інфармацыйнай палітыкі». Цяпер Адзярыха асуджаны за перадачу прадстаўніку «Народнага антыкрызіснага ўпраўлення» і тэлеграм-каналу «Нік і Майк» службовай інфармацыі, якая знаходзілася ў ягоным распараджэнні. Матыў — «пазбяганне люстрацыі пасля змены ўлады». Да суда намеснік гендырэктара «БелТА» па ідэалогіі знаходзіўся пад вартай. Прысуд вынес суддзя Аляксандр Волк, Адзярыха яго ўжо абскардзіў як празмерна строгі, але безвынікова. «Вясна» распавядае, што вядома па справе.

Рыгору Кастусёву 17 красавіка споўнілася 65 гадоў. Вось ужо больш за год палітык знаходзіцца за кратамі ў следчым ізалятары. Сілавікі затрымалі яго ў Шклове 12 красавіка 2021 года.

Паўліна Скурко, жонка рэдактара і кіраўніка аддзела рэкламы "Нашай Нівы" Андрэя Скурко, распавяла ў Facebook пра спатканне з мужам у Магілёве. Прыводзім гэты пост.