Навіны

Учора раніцай у Мінску затрымалі блогерку Насту Пілюгіну, вядоўцу падкасту dzigital. Каля 11-й Наста выйшла з дому да машыны, якая стаяла ў двары, па ноўтбук, і знікла.

Кіраўніцу Лунінецкай філіі ГА "БАЖ" Алену Насковіч выклікалі ў мясцовы аддзел КДБ на размову. Алена праходзіць сведкаю ў межах крымінальнай справы. Падрабязнасцяў яна не можа распавесці, бо знаходзіцца пад падпіскаю аб неразгалошванні.

29 ліпеня выданню “Наша Ніва” стала вядома, што ў зняволенага кіраўніка аддзела рэкламы і маркетынгу Андрэя Скурко ў СІЗА на Валадарскага дыягнаставалі пнеўманію. Да пераводу у СІЗА Скурко правёў у ЦІП на Акрэсціна 13 сутак без матраца, пасцелі і пры нягаснучым святле, без дыябетнай дыеты і перадач.

Паведамляецца, што вобшук праводзілі па «крымінальнай справе аб тэрарызме».

Палітычнага аглядальніка Ігара Ільяша затрымалі 16 ліпеня. І на першым часе было незразумела, на якой падставе. Толькі праз некалькі дзён стала вядома, што Ігар з’яўляецца  фігурантам крымінальнай справы па артыкуле 342 КК — “арганізацыя альбо ўдзел у дзеяннях, якія парушаюць грамадскі парадак”. Нягледзячы на такі сур’ёзны артыкул, праз 10 дзён Ільяш выйшаў з Акрэсціна на свабоду. Ці чакаў Ігар, што пасля прысуду жонцы, журналістцы тэлеканала "Белсат" Кацярыне Андрэевай, яго пакінуць у спакоі? Якім было стаўленне да яго і іншых палітычных з боку следчых і супрацоўнікаў Акрэсціна? Пра гэта ды шмат што іншае гаворым з журналістам, суаўтарам кнігі “Беларускі Данбас” Ігарам Ільяшом.