Навіны

Напад на галоўнага рэдактара расійскай недзяржаўнай "Новой газеты", нобелеўскага лаўрэата Дзмітрыя Муратава арганізавалі расійскія спецслужбы, піша The Washington Post са спасылкай на крыніцу ва ўрадзе ЗША. Якое менавіта пацверджанне маецца ў амерыканцаў, невядома.

26-гадовую Сафію Скоблу затрымалі ў Мінску 26 красавіка і змясцілі ў ІЧУ на Акрэсціна.

У сваякоў журналістаў і рэдактараў, якія знаходзяцца ў СІЗА на Валадарскага, бяруць падпіскі аб невыдаваньні. І людзі, якія раней расказвалі журналістам, што пішуць іхныя дзеці, у якіх умовах утрымліваюцца, цяпер асьцерагаюцца дзяліцца навінамі, бо зьвязаныя гэтымі падпіскамі. Свабода ведае прынамсі чатыры такія выпадкі сярод родных зьняволеных журналістаў. Галоўная рэдактарка папулярнага парталу Марына Золатава на Валадарцы чытае «Гары Потэра». Фрылансэр Свабоды Андрэй Кузьнечык чакае суду, Алег Грузьдзіловіч — разгляду апэляцыі на прысуд у Менскім гарадзкім судзе.

Міжнародная кампанія Adevinta, якая спецыялізуецца на анлайн-аб'явах, абвясціла аб сваім сыходзе з беларускага рынку. Сваю пляцоўку па размяшчэнні аб'яў у Беларусі «Куфар» кампанія перадае існуючай мясцовай камандзе, паведамляе reform.by.

У 2020 годзе Наталля месяц правяла ў больніцы, бо на адной з акцый пратэсту, дзе яна працавала як журналіст, сілавік стрэліў ёй у нагу. У такіх выпадках бальнічны павінен аплочваць Белдзяржстрах, бо гэта няшчасны выпадак на працы.

Беларуская асацыяцыя журналістаў названая лаўрэатам Сусветнай прэміі ЮНЭСКА / Гільерма Кано за ўнёсак у свабоду прэсы. Такое рашэнне 27 красавіка агучыла журы прэміі. 

У выставе Belarus.Signs удзельнічаюць дзевяць беларускіх фатографаў, якія з дапамогай візуальных вобразаў распавялі пра Беларусь, яе мінулае, сучаснасць і мары. Сімвалічна выстава пачала працу ў гадавіну Чарнобыльскай трагедыі, 26 красавіка 2022 года.