Навіны

Улады закрылі карэспандэнцкі пункт Еўрарадыё ў Беларусі. Пастанова Савета міністраў пра гэта апублікаваная 5 ліпеня на Нацыянальным прававым партале.

У DW Akademie глыбока занепакоеныя тым, што трэнеру Андрэю Аляксандраву, які даўно супрацоўнічае з Акадэміяй, у Беларусі прад'яўлена абвінавачанне ў дзяржаўнай здрадзе і цяпер яму пагражае да 15 гадоў пазбаўлення волі.

ОО "Белорусская ассоциация журналистов" обратилась к Спецдокладчику ООН по вопросу о праве каждого человека на наивысший достижимый уровень физического и психического здоровья. Организация проинформировала Спецдокладчика об условиях содержания в СИЗО основательницы «Пресс-клуба Беларусь» Юлии Слуцкой.

Затрыманая 30 чэрвеня незалежны аналітык і рэдактар "Беларускага штогодніка" Валерыя Касцюгова знаходзіцца ў СІЗА на Валадарскага.  У  адваката падпіска аб неразгалошванні. Пра гэта паведамляе ў Твітары яе дачка Анастасія. Яна падкрэслівае, што мужа Касцюговай і яе бацьку адпусцілі. Па якой справе забралі Касцюгову і ў якім яна статусе, дагэтуль невядома. 

У Мінскім гарадскім судзе 1 ліпеня працягнулі разгляд справы Мікалая Дзядка. Яго вінавацяць па трох артыкулах Крымінальнага кодэкса.  Дзядок сваю віну не прызнае. На мінулым пасяджэнні выслухалі сведак і зачытвалі матэрыялы справы. Цяпер суд перайшоў да агляду рэчавых доказаў. А пасля Мікалай Дзядок даў паказанні. Мікола Дзядок — аўтар «Новага Часу», блогер, актывістам анархісцкага руху. Міколу Дзядка затрымалі позна ўвечары 11 лістапада 2020 года супрацоўнікі ГУБАЗіК і МУС у загарадным доме ў пасёлку Сасновы. Прад'яўленыя абвінавачванні: арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадзкі парадак, альбо актыўны ўдзел у іх; арт. 361 Крымінальнага кодэкса — Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь; арт. 295 Крымінальнага кодэкса — Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў