Навіны

Улады пачалі блакаваць на тэрыторыі Беларусі "люстэрка" "Еўрарадыё" — сайт euroradio.pl. Чытачы ад учора скардзяцца на праблемы з доступам да яго. Сёння такіх паведамленняў стала больш.

У гомельскай калоніі адбылося спатканне палітзняволенай Кацярыны Андрэевай з мужам Ігарам Ільяшом. Мінулы раз яны бачыліся ў красавіку яшчэ да этапавання ў калонію.

Раніцай 8 ліпеня сілавікі прыйшлі ў рэдакцыю "Нашай Нівы" і дадому да  работнікаў медыя. Ператрусы і допыты супрацоўнікаў "Нашай Нівы" праводзяцца паводле арт. 342 КК (арганізацыя ці падрыхтоўка дзеянняў, якія груба парушаюць грамадскі парадак, або ўдзел у іх), арт.  293 КК (масавыя беспарадкі). Сілавікі правялі ператрусы ў рэдакцыі і офісе бухгалтэрыі выдання, а таксама дома ў рэдактара Ягора Марціновіча, Андрэя Скурко, Андрэя Дынько і ў бухгалтара Вольгі Раковіч. Галоўны рэдактар "Нашай Нівы" Ягор Марціновіч праходзіць падазраваным паводле ч. 1 арт. 342 КК (арганізацыя ці падрыхтоўка дзеянняў, якія груба парушаюць грамадскі парадак, або ўдзел у іх). Ён затрыманы на 72 гадзіны і будзе дастаўлены ў ІЧУ на Акрэсціна. Кіраўнік аддзела рэкламы і маркетынгу "Нашай Нівы" Андрэй Скурко таксама праходзіць падазраваным паводле ч. 1 арт. 342 КК (арганізацыя ці падрыхтоўка дзеянняў, якія груба парушаюць грамадскі парадак, або ўдзел у іх). Ён затрыманы на 72 гадзіны і будзе дастаўлены ў ІЧУ на Акрэсціна. Андрэй Скурко хворы на цукровы дыябет, інсуліназалежны, яму дазволілі ўзяць лекі з разлікам на трое сутак. Галоўны рэдактар навукова-папулярнага часопіса "Наша гісторыя" і дзіцячых часопісаў "Дуду", "Асцярожна: дзеці!" (гэтыя часопісы выдае "НН") Андрэй Дынько праходзіць падазраваным паводле ч. 1 арт. 342 КК (арганізацыя ці падрыхтоўка дзеянняў, якія груба парушаюць грамадскі парадак, або ўдзел у іх). Ён затрыманы на 72 гадзіны і будзе дастаўлены ў ІЧУ на Акрэсціна. Галоўны бухгалтар "Нашай Нівы" Вольга Раковіч — падазраваная паводле ч. 1 арт. 342 КК (арганізацыя ці падрыхтоўка дзеянняў, якія груба парушаюць грамадскі парадак, або ўдзел у іх). Яна затрыманая на 72 гадзіны і будзе дастаўленая ў ІЧУ на Акрэсціна. Карэспандэнта выдання Наталлю Лубнеўскую і фатографа Шуру Піліповіч-Сушчыц адпусцілі з рэдакцыі пад падпіску пра неразгалошванне. Ператрусы праводзілі супрацоўнікі розных упраўленняў органаў унутраных спраў, допыты праходзяць у Следчым камітэце.

ГА  “Цэнтр “ТРЭЦI СЕКТАР” правярае мінюст.

Апублікавана новае даследаванне IREX пра ўплыў пандэміі на СМІ і інфармацыю ў Еўропе і Еўразіі — Vibrant Information Barometer (VIBE). У ім падкрэсліваецца, што сусветны фінансавы спад, абмежаванне ўладамі інфармацыі і дэзінфармацыя, звязаная з сусветнай пандэміяй COVID-19, істотна паўплывалі на сектар СМІ і інфармацыі ў 13 краінах Еўропы і Еўразіі. У 2020 годзе ў Беларусі на медыясферу істотна ў негатыўным ключы паўплывалі дзве асноўныя тэндэнцыі: кіраванне ўрадам крызісам COVID-19 і рэпрэсіі пасля прэзідэнцкіх выбараў у жніўні. Гэтыя тэндэнцыі негатыўна паўплывалі на інфармацыйную прастору краіны. Дзяржаўныя ўстановы пазбягалі даваць інфармацыю пра пандэмію, незалежныя медыя пераследаваліся за распаўсюд "фальшывак" пра COVID-19, а прадзяржаўныя СМІ распаўсюджвалі выказванні па тэме Аляксандра Лукашэнкі.