Навіны

В Экономическом суде Минска сегодня прошло закрытое заседание по заявлению ООО «ТУТ БАЙ МЕДИА». Суд признал законным решение специальной комиссии, на основе которого МВД просит признать продукцию TUT.ВY экстремистской, сообщает редакция портала.

7 ліпеня спаўняецца 21 год з моманту знікнення пры нявысветленых абставінах нашага калегі Дзмітрыя Завадскага. У ранейшыя гады 7 ліпеня мы прыходзілі з партрэтамі Дзмітрыя да пад'езда, адкуль ён выйшаў той раніцай. Але ў цяперашніх умовах немагчыма гарантаваць бяспеку калег падчас нават маўклівага стаяння з партрэтам. Але памяць немагчыма забіць. Скрасці. Затрымаць, аштрафаваць ці кінуць на суткі. Таму 7 ліпеня мы заклікаем усіх калег узгадаць Дзмітрыя Завадскага на сваім працоўным месцы хвілінай маўчання. Мы памятаем!

Апублікавана новае даследаванне IREX пра ўплыў пандэміі на СМІ і інфармацыю ў Еўропе і Еўразіі — Vibrant Information Barometer (VIBE). У ім падкрэсліваецца, што сусветны фінансавы спад, абмежаванне ўладамі інфармацыі і дэзінфармацыя, звязаная з сусветнай пандэміяй COVID-19, істотна паўплывалі на сектар СМІ і інфармацыі ў 13 краінах Еўропы і Еўразіі. У 2020 годзе ў Беларусі на медыясферу істотна ў негатыўным ключы паўплывалі дзве асноўныя тэндэнцыі: кіраванне ўрадам крызісам COVID-19 і рэпрэсіі пасля прэзідэнцкіх выбараў у жніўні. Гэтыя тэндэнцыі негатыўна паўплывалі на інфармацыйную прастору краіны. Дзяржаўныя ўстановы пазбягалі даваць інфармацыю пра пандэмію, незалежныя медыя пераследаваліся за распаўсюд "фальшывак" пра COVID-19, а прадзяржаўныя СМІ распаўсюджвалі выказванні па тэме Аляксандра Лукашэнкі.

Суд оштрафовал журналиста телеканала «Настоящее время» Романа Васюковича на 870 рублей за работу без аккредитации (ст. 23.5 КоАП).

На 47-ай сесіі Савета па правах чалавека ААН адбыўся інтэрактыўны дыялог па сітуацыі ў Беларусі, выступіла спецдакладчык па сітуацыі з правамі чалавека ў нашай краіне Анаіс Марэн. Яна заявіла, што сітуацыя ў Беларусі імкліва пагаршаецца і што прычыны гатага ў палітычным крызісе падчас прэзідэнцкіх выбараў 2020 года. Марэн згадала пра 35 тысяч затрыманых, пра больш за паўтысячы палітвязняў і запатрабавала іх неадкладнага вызвалення, рэабілітацыі. Яна гаварыла пра "атмасферу страху і беспакаранасці", якая пануе ў Беларусі. У дыялогу прыняло удзел 35 прастаўнікоў з розных краін і няўрадавых арганізацый, паведамляе сайт spring96.org.