Навіны

У сваякоў журналістаў і рэдактараў, якія знаходзяцца ў СІЗА на Валадарскага, бяруць падпіскі аб невыдаваньні. І людзі, якія раней расказвалі журналістам, што пішуць іхныя дзеці, у якіх умовах утрымліваюцца, цяпер асьцерагаюцца дзяліцца навінамі, бо зьвязаныя гэтымі падпіскамі. Свабода ведае прынамсі чатыры такія выпадкі сярод родных зьняволеных журналістаў. Галоўная рэдактарка папулярнага парталу Марына Золатава на Валадарцы чытае «Гары Потэра». Фрылансэр Свабоды Андрэй Кузьнечык чакае суду, Алег Грузьдзіловіч — разгляду апэляцыі на прысуд у Менскім гарадзкім судзе.

Міжнародная кампанія Adevinta, якая спецыялізуецца на анлайн-аб'явах, абвясціла аб сваім сыходзе з беларускага рынку. Сваю пляцоўку па размяшчэнні аб'яў у Беларусі «Куфар» кампанія перадае існуючай мясцовай камандзе, паведамляе reform.by.

У выставе Belarus.Signs удзельнічаюць дзевяць беларускіх фатографаў, якія з дапамогай візуальных вобразаў распавялі пра Беларусь, яе мінулае, сучаснасць і мары. Сімвалічна выстава пачала працу ў гадавіну Чарнобыльскай трагедыі, 26 красавіка 2022 года.

Пра гэта ў сваім твітар-акаўнце расказала ягоная адвакатка Марыя Колесава Гудзіліна. Прычына і тэрмін утрымання ў ШІЗА невядомыя.

Рэдакцыя Bird in Flight разам з фондам Peace for Art распачала кампанію па зборы сродкаў на дапамогу дзецям, якія пацярпелі ад вайны Расіі супраць Украіны.